Lucas 22:39 - Biblia Tetun Dili

³⁹ Depois, Jesus sai hosi sidade baa iha foho Oliveira, hanesan baibain. Nia eskolanti sira akompanha Nia.

Lucas 22:39 Iomraidhean Croise

Mateus 21:1

Bainhira Jesus ho Nia eskolanti sira besik ona sidade Jerusalém, sira too iha aldeia Betfagé, besik foho Oliveira. I Jesus haruka eskolanti nain rua baa uluk.

Mateus 26:30

Hotu tiha Jesus ho Nia eskolanti sira kanta hamutuk hodi hahii Maromak. Depois sira sai hodi baa iha foho Oliveira.

Marcos 11:11

Too iha sidade Jerusalém, Jesus tama ba iha Nai Maromak nia uma kreda boot nia kintal. Iha nebaa, Jesus haree fatin sira nee hotu. Maibee, tanba tempu la iha ona, Jesus ho Nia eskolanti sira fila fali ba aldeia Betánia.

Marcos 11:19

Rai komesa kalan ona, Jesus ho Nia eskolanti sira sai hosi Jerusalém, i fila baa toba iha Betánia.

Marcos 13:3

Liu tiha nee, Jesus baa iha foho Oliveira. Nia tuur hodi hateke hela ba Nai Maromak nia uma kreda boot. Depois Nia eskolanti nain haat baa koalia ho Nia. Ema nain haat nee mak, Pedro, Tiago, João ho André.

Marcos 14:26

Nee hotu tiha, sira kanta hamutuk hodi hahii Nai Maromak. Depois sira sai, hodi baa iha foho Oliveira.

Lucas 21:37

Loro-loron Jesus baa hanorin iha Uma Kreda Boot. Maibee kalan Nia sai hosi Jerusalém baa toba iha foho Oliveira.