Lucas 22:34 - Biblia Tetun Dili

³⁴ Maibee Jesus hataan fali dehan, “Simão, rona mai. Orsida molok manu kokoreek, o sei nega Hau dala tolu dehan, o la konhese Hau.”

Lucas 22:34 Iomraidhean Croise

Mateus 26:34

Jesus dehan ba nia, “Hau hatete loloos ba o, iha kalan nee duni, molok manu kokoreek, o sei nega Hau dala tolu.”

Mateus 26:74

Maibee Pedro jura no foo malisan ba nia aan dehan, “Hau la konhese Ema nee.” Iha momentu nee kedas, manu kokoreek.

Marcos 14:30

Jesus hataan, “Pedro, hanoin didiak! Orsida kalan, molok manu kokoreek dala rua, o sei nega Hau dala tolu, dehan, o la konhese Hau.”

Lucas 22:33

Pedro hataan, “Lae, Nai! Hau prontu tama kadeia no mate hamutuk ho Ita Boot.”

Lucas 22:35

Depois Jesus husu ba Nia eskolanti sira, “Uluk Hau haruka imi baa foo sai Hau nia Novidade Diak, Hau hatete para imi la bele lori osan, bukae, ho sandalias rezerva. Iha tempu nebaa, imi falta buat ruma ka?” Sira hataan, “Lae, ami la falta buat ida.”

Lucas 22:61

Nai Jesus fila ba kotuk hodi hateke loos ba Pedro. I Pedro hanoin fali Nai Jesus nia liafuan nebee Nia dehan, “Molok manu kokoreek, o sei nega Hau dala tolu.”

João 13:38

Jesus hataan dehan, “Tebes, ka? O prontu entrega o nia aan ba Hau too mate, ka? Rona mai! Molok manu kokoreek, o nega ona Hau dala tolu.”

João 18:27

Maibee Pedro nega fali tan. Momentu nee, manu kokoreek kedas.