Lucas 22:32 - Biblia Tetun Dili

³² Maibee, Simão, Hau halo ona orasaun ba o, para o nia fiar la bele lakon. I bainhira o fila fali mai Hau, o tenki hametin o nia kolega sira nia fiar.”

Lucas 22:32 Iomraidhean Croise

Mateus 18:3

i Nia dehan ba sira, “Hau hatete loloos ba imi, see mak atu sai Maromak nia reinu, nia tenki husik nia sala hodi sai hanesan labarik kiik ida nee.

Mateus 26:75

Rona nunee, Pedro hanoin fila fali liafuan nebee uluk Jesus dehan ba nia, “Molok manu kokoreek, o sei nega Hau dala tolu.” Tuir mai, Pedro sai hosi nebaa i tanis ho laran tristi.

Marcos 14:72

Nia foin koalia nunee, manu mos kokoreek dala ida tan. Pedro hanoin too Jesus nia liafuan nebee dehan, “Molok manu kokoreek dala rua, o sei nega Hau dala tolu.” Hanoin fali liafuan nee, Pedro tanis ho laran susar.

Marcos 16:7

Agora imi fila lalais ona! Imi baa foo hatene ba Pedro sira katak, Jesus moris fali ona. Nia baa uluk sira iha Galileia, i sira sei hasoru Nia iha nebaa. Tuir buat nebee uluk Nia promete ona ba sira. Agora, imi fila ona.”

Lucas 8:13

Fini nebee monu iha rai fatuk, mak ema nebee rona Maromak nia liafuan i simu ho haksolok, maibee sira nia abut la tama ba rai. Sira fiar duni, maibee bainhira sira hasoru provasaun ruma, sira husik kedas.

João 14:19

La kleur tan, ema iha mundu nee la haree tan Hau ona, maibee imi haree Hau. Tanba Hau moris fali, imi mos hetan moris loloos.

Apostolu sira nia Istoria 3:19

Tanba nee, imi tenki husik ona imi nia sala i fila ba Nai Maromak, atu Nia bele hamoos imi nia sala hotu.

Roma 8:32

Maromak laran luak teb-tebes, too Nia foo Nia Oan rasik para mate iha ita hotu nia fatin. Hosi nee ita bele hatene katak, Nia sei foo tan mai ita buat hotu-hotu nebee diak.

Roma 8:34

Entaun see mak foo kastigu mai ita? La iha! Tanba Kristu Jesus mate ona ba ita, maibee laos nee deit, Nia moris fila fali ona, i agora Nia tuur iha Maromak nia sorin loos hodi defende ita.

2 Timóteo 2:18

Sira nain rua hanorin dehan, ema sira nebee mate, moris fali ona. Nunee sira sees ona hosi lia loos, i estraga ema balu nia fiar.

Tito 1:1

Tito mak hau hadomi. Surat nee hosi hau, Paulo, Nai Maromak nia atan ho Jesus Kristu nia apostolu. Nai Maromak haruka hau tau matan ba ema sira nebee Nia hili ona hodi sai Nia povu, para sira bele fiar metin liu tan ba Nia. Maromak mos haruka hau hanorin lia loos ba sira atu sira hatene moris tuir Nia hakarak.

Ebreu 12:15

Foo korajen ba malu nafatin para la bele iha ema ida hosi imi nia leet dada aan hosi Maromak nia grasa. Kuidadu para imi ida la bele sai hanesan ai abut ida nebee moruk hodi estraga ema nia moris too dada sira tuir fali dalan nebee la loos.

Ebreu 7:25

Tanba nee Jesus iha kbiit hodi salva see deit mak baa iha Maromak liu hosi Nia. Nia bele salva sira agora i too tinan ba tinan, tanba Nia moris nafatin hodi harohan ba Nai Maromak atu tulun sira.

1 Pedro 1:1

Surat nee hosi hau, Pedro, nudar Jesus Kristu nia apostolu. Hau hakerek surat nee ba imi hotu nebee mak Nai Maromak hili tiha ona. Imi ema lao rai, namkari iha fatin-fatin iha rai Pontus, Galasia, Kapadósia, Azia kiik ho mos Bitínia. Hori uluk kedas Aman Maromak hili tiha ona imi para sai Nia ema. Maromak nia Espiritu halo imi sai ema nebee moris loos atu imi moris tuir Jesus Kristu nia hakarak i simu raan nebee Jesus fakar ba imi hodi hamoos imi nia sala. Hau harohan para loron ba loron Nai Maromak hatudu Nia laran diak ba imi, i foo paz ho hakmatek ida ke boot teb-tebes ba imi.

1 Pedro 1:13

Tanba nee, matan moris neon nain hodi komprende didiak buat sira nee hotu. I hein ho laran metin nafatin atu Maromak hatudu Nia laran diak ba imi bainhira Jesus Kristu fila fali mai.

1 Pedro 1:5

Tanba imi nia fiar ba Nai Maromak, Nia sei kuidadu nafatin imi hodi Nia kbiit too imi simu salvasaun nebee Maromak prepara tiha ona atu hatudu sai bainhira mundu nee remata.

2 Pedro 3:14

Nunee, maluk doben sira, durante imi hein hela buat sira nee, imi tenki hakaas aan para sai ema nebee moris loos, i la iha noda ida no moris diak malu ho Nai Maromak .

1 João 2:19

Ema sira nebee kontra Kristu nee uluk hamutuk ho ita, maibee agora sees ona hosi ita. Maski sira uluk iha ita nia klaran, sira laos ema nebee fiar duni ba Kristu, nee mak sira lakohi hamutuk ona ho ita. Sira husik tiha ita, nee hatudu katak, sira nee la halo parte ho ita.