Lucas 22:2 - Biblia Tetun Dili

² Tempu nee, nai lulik nia xefi sira ho mestri relijiaun sira buka hela dalan atu oho Jesus. Maibee atu oho subar deit, tanba sira tauk povu.

Lucas 22:2 Iomraidhean Croise

Mateus 12:14

Entaun ema Farizeu sira sai tiha ba liur hodi kombina malu para oho Jesus.

Mateus 21:38

Maibee bainhira ema nebee aluga toos nee haree toos nain nia oan, sira dehan ba malu, ‘Nia mak sei hetan nia aman nia rikusoin hotu. Diak liu ita oho tiha nia, atu toos nee sai fali ita nia rikusoin.’

Mateus 26:2

“Imi hatene katak, hela tan loron rua atu festa Paskua. Iha loron nee, ema sei entrega Hau, Ema Oan atu prega mate iha krus.”

Marcos 14:1

Nee liu tiha, nai lulik Judeu nia xefi sira ho mestri relijiaun sira buka tempu diak hodi kaer subar Jesus para oho Nia. Maibee sira dehan, “Hein lai. Ita la bele kaer lai Nia, tanba loron boot besik ona. Keta halo be ema barak halo rungu-ranga.” Sira koalia nunee, tanba loron rua tan, ema Judeu sira nia loron boot, ida nebee sira bolu loron ‘Paskua’, ho ‘Festa Paun la Tau Fermentu’. Iha loron festa nee, sira hanoin fali tempu uluk, nebee sira nia bei-ala sira sai hosi Rai Ejiptu.

Lucas 20:19

Depois, mestri relijiaun ho nai lulik nia xefi sira rona komparasaun nee, sira hatene katak Jesus halo komparasaun nee kona ba sira. Nunee, sira buka dalan atu kaer kedas Nia. Maibee sira tauk ema barak iha nebaa.

João 11:57

Maibee nai lulik nia xefi sira, ho ema Farizeu sira foo ona orden dehan, “Se ema ruma haree Jesus, foo hatene mai ami!” Afinal sira iha planu atu kaer Jesus.

Apostolu sira nia Istoria 4:27

Buat nebee liurai David hakerek agora sai loos duni. Iha sidade nee, liurai Erodes ho governador Pónsiu Pilatus hamutuk ona ho nai ulun sira hosi Israel, ho nai ulun sira hosi nasaun seluk. Sira hotu kombina hodi kontra Jesus, Ita Boot nia Oan Santu, nebee Ita Boot hili ona. Nia sempre halo tuir Ita Boot nia hakarak.