Lucas 22:18 - Biblia Tetun Dili

¹⁸ Hau hatete ba imi, Hau sei la hemu tan tua too ema haree Nai Maromak ukun nudar Liurai.”

Lucas 22:18 Iomraidhean Croise

Mateus 16:18

Hau hatete ba o, Hau bolu o Pedro, nee dehan katak fatuk isin. Hau sei harii Hau nia igreja iha fatuk nee nia leten, i infernu mos la bele domina no manaan sira.

Mateus 26:29

Hau hatete ba imi, Hau sei la hemu tan tua nee. Bainhira Hau nia Aman iha lalehan ukun Nia povu hotu mak foin Hau hemu fali tua foun hamutuk ho imi.”

Marcos 14:23

Depois Nia foti fali tua kopu ida. Nia foo tan agradese ba Nai Maromak. Depois Nia foo tua kopu nee ba Nia eskolanti sira hotu hemu.

Marcos 14:25

Rona didiak! Komesa kalan nee, Hau la hemu tan rezultadu hosi ai uvas ona. Too Hau tuur hodi ukun hamutuk ho Hau nia Aman iha lalehan, foin Hau hemu fali.”

Marcos 15:23

Too iha fatin nee, sira atu foo tua siin nebee kahur ona ho ai moruk ba Jesus hemu, para Nia bele aguenta terus. Maibee Nia lakohi hemu.

Marcos 9:1

Imi keta haluha Hau nia liafuan nee: hosi imi nee hotu, imi balu seidauk mate, maibee sei haree Nai Maromak tuur i kaer ukun ho forsa boot.”

Lucas 21:31

Nunee mos bainhira imi haree buat sira nee akontese ona, imi hatene katak, tempu besik ona para Nai Maromak rasik ukun nudar Liurai.

Lucas 22:16

Hau hakarak halo nunee hodi hatudu ba imi katak Hau sei la haan tan hahaan Paskua nian too ema haree momoos Nai Maromak ukun nudar Liurai.”

Lucas 9:27

Hau hatete loloos ba imi, hosi imi sira nee, balu sei moris too haree Maromak ukun nudar Liurai, mak foin mate.”