Lucas 22:16 - Biblia Tetun Dili

¹⁶ Hau hakarak halo nunee hodi hatudu ba imi katak Hau sei la haan tan hahaan Paskua nian too ema haree momoos Nai Maromak ukun nudar Liurai.”

Lucas 22:16 Iomraidhean Croise

Lucas 12:37

Bainhira patraun haree nia atan sira hein hela nia, sira sorti boot. Hau hatete loloos ba imi, patraun rasik sei haruka sira tuur iha meza, depois nia hatais fali ropa atan nian hodi serve nia atan sira nee.

Lucas 14:15

Rona nunee, iha ema ida nebee tuur hamutuk ho Jesus iha meza, dehan ba Nia, “Ema nebee tuur haan hamutuk iha Maromak nia reinu iha Maromak nia festa boot, hetan bensaun.”

Lucas 22:15

Jesus hatete ba sira, “Hau hakarak teb-tebes haan hamutuk ho imi iha loron Paskua nee, molok Hau terus.

Lucas 22:18

Hau hatete ba imi, Hau sei la hemu tan tua too ema haree Nai Maromak ukun nudar Liurai.”

Lucas 22:30

atu nunee bainhira Hau kaer ukun, imi bele tuur iha meza hodi haan-hemu hamutuk ho Hau. I imi mak sei ukun suku sanulu resin rua iha Israel.”

João 6:27

Rona didiak! La bele serbisu deit hodi hetan hahaan nebee la kleur aat tiha. Diak liu imi serbisu hodi hetan hahaan nebee la iha rohan, nebee lori moris rohan laek. Tanba Hau, Ema Oan. Hau mak bele foo moris nee ba imi. Tanba Aman iha lalehan mak foo direitu nee mai Hau.”

Apostolu sira nia Istoria 10:41

Laos ema hotu-hotu mak haree Nia. So ami deit. Ami nee, Nai Maromak hili antes tiha ona hodi sai sasin kona ba Jesus. Bainhira Nai Jesus moris fila fali, ami mak baibain haan-hemu hamutuk ho Nia.

Apokalipse 19:9

Depois anju nee dehan mai hau, “Hakerek nunee: See mak hetan konvite atu mai asisti Bibi Oan nia festa kazamentu nee, sira hetan bensaun.” Anju nee hatutan tan dehan, “Nai Maromak nia liafuan nee loos duni!”