Lucas 22:12 - Biblia Tetun Dili

¹² Uma nain sei hatudu salaun ida iha uma andar leten, nia prepara tiha ona fatin nee. Hela deit imi nain rua baa prepara hahaan iha nebaa.”

Lucas 22:12 Iomraidhean Croise

Lucas 22:11

Too iha uma, husu ba uma nain nunee: ‘Mestri husu fatin iha nebee atu prepara ba Nia hodi haan hamutuk ho Nia eskolante sira iha loron Paskua?’

Lucas 22:13

Nunee sira nain rua baa, hetan buat hotu tuir loloos saida mak Jesus hatete ba sira. I sira prepara hahaan Paskua iha nebaa.

João 21:17

I Jesus husu tan ba dala tolu, “Simão, João nia oan. Oinsaa? O hadomi Hau, ka?” Maibee Pedro laran susar, tanba Jesus husu dala tolu ona dehan, “O hadomi Hau, ka?” Nia hataan, “Ita Boot hatene buat hotu-hotu. Entaun Ita Boot hatene ona katak hau Ita Boot nia belun.” Depois Jesus hameno ba nia, “Se nunee, foo hahaan didiak ba Hau nia bibi malae oan sira.

Apostolu sira nia Istoria 1:13

Too iha sidade, sira baa tama iha uma ida nebee sira hela baa, i sira sae liu ba iha andar leten. Jesus nia apostolu sira nia naran mak nee: Pedro, João, Tiago, André, Filipe, Tomé, Bartolomeu, Mateus, Tiago (Alfeu nia oan), Simão (membru partidu Zelot), ho Judas (Tiago nia oan).

Apostolu sira nia Istoria 20:8

Ami halibur malu iha uma andar leten. Iha kalan nee sira sunu ahi oan barak.