Lucas 21:8 - Biblia Tetun Dili

⁸ Jesus hataan, “Kuidadu didiak para ema la bele bosok imi. Ema barak sei mai lori Hau nia naran dehan, sira nee mak Kristu. I ema sei bosok dehan, mundu besik remata ona. Maibee la bele fiar!

Lucas 21:8 Iomraidhean Croise

Mateus 24:11

Profeta falsu barak sei mosu hodi bosok ema barak atu tuir sira.

Mateus 3:2

Nia foo sai dehan, “Husik ona imi nia sala, tanba Maromak nia tempu hodi ukun besik ona.”

Mateus 4:17

Iha tempu nebaa, Jesus foo sai ba ema dehan, “Husik ona imi nia sala, tanba Maromak nia tempu hodi ukun besik ona.”

Lucas 17:23

Ema sei hatete ba imi, ‘Ema Oan iha nee’ ka, ‘Nia iha nebaa.’ Lalika baa haree e lalika fiar.

Lucas 21:7

Jesus nia eskolanti sira husu, “Mestri, buat nebee ohin Ita Boot koalia nee, bainhira mak sei akontese? Kuandu nia tempu besik ona, sinal saida mak sei mosu?”

Lucas 21:9

Se imi rona dehan, nasaun ho nasaun funu malu i povu hamriik hasoru nai ulun sira iha fatin-fatin, keta hakfodak. Nee la signifika mundu atu remata ona. Maibee buat sira nee tenki akontese uluk mak foin mundu remata.

João 5:43

Hau mai iha mundu nee, tanba Hau nia Aman nebee kaer ukun mak haruka Hau mai. Maibee imi la simu Hau. Se karik ema seluk mai ho nia kbiit rasik, imi simu nia ho diak.

João 8:24

Nee mak ohin Hau hatete, imi sei mate lori imi nia sala rasik. Se imi la fiar dehan, Hau mak Kristu, nebee Maromak haruka ona mai, bainhira imi mate, imi sei mate ho imi nia sala sira rasik.”

João 8:28

Jesus koalia tan, “Bainhira imi hasae ona Hau, Ema Oan, iha ai krus, foin imi komprende katak, Hau nee Kristu. Hau la halo buat ida hosi Hau nia aan rasik, maibee Hau hanorin deit buat nebee Aman iha lalehan hanorin ona mai Hau.

1 Korintu 6:9

Keta bosok imi nia aan. Imi hatene ona katak, ema halo buat aat sei la tama iha Maromak nia reinu. Hanesan ema nebee halo relasaun seksual la loos, adora lulik, halo relasaun seksual ho ema nebee laos nia feen ka laen, mane ho mane hola fali malu,

Efezu 5:6

Karik ema ruma bosok imi dehan sala sira nee la iha buat ida, keta fiar. Tanba hahalok aat sira nee halo Maromak hirus teb-tebes hodi kastigu ema nebee la tuir Nia hakarak.

2 Tesalonika 2:3

Keta husik ema bosok imi. Tan ema aat ida sei mai uluk, foin Nai Jesus mai. Ema nee sei kontra makaas Nai Maromak. Nia mos sei dada ema barak hamriik kontra Nai Maromak. Nia demais liu ona too nia tenki tama infernu.

2 Timóteo 3:13

Maibee ema aat ho ema bosok-teen sira sei sai aat ba bebeik. Sira bosok halo ema barak monu, afinal ema mos bosok sira.

1 João 4:1

Maluk doben sira, se ema ruma mai dehan, nia iha Nai Maromak nia Espiritu, keta tuir lai. Imi tenki koko uluk para hatene, espiritu nebee sira iha nee mai duni hosi Nai Maromak ka lae. Tanba iha mundu nee iha profeta falsu barak ona.

2 João 1:7

Ohin loron bosok-teen barak lao lemo-lemo lori lia falsu dehan, Jesus Kristu moris iha mundu nee la hanesan ema. See mak koalia nunee, nia bosok-teen, i nia kontra Kristu.

Apokalipse 1:3

See mak lee sai livru nee, hetan bensaun. I see mak rona hodi halo tuir, nia mos hetan bensaun. Tanba buat sira nee besik atu akontese ona.

Apokalipse 12:9

Miguel ho nia anju sira soe sai tiha samea ulun hitu nee hosi lalehan. Sira soe tiha samea nee mai mundu hamutuk ho nia anju sira hotu. Samea ulun hitu nee mak ema bolu ꞌdiabuꞌ ka ꞌSatanásꞌ. Hori uluk kedas samea nee lohi ema hotu iha mundu para lao sala dalan.