Lucas 21:27 - Biblia Tetun Dili

²⁷ Entaun mak sira haree Hau, Ema Oan tuun mai iha kalohan laran, ho kbiit boot ho naroman nabilan nian.

Lucas 21:27 Iomraidhean Croise

Mateus 24:30

Iha loron nee, ema hotu-hotu iha mundu sei haree sinal ida iha loro-leten hatudu katak Hau, Ema Oan, atu mai ona. Haree nunee, sira nebee lakohi simu Hau sei tanis ho laran susar. Depois ema hotu-hotu sei haree Hau, Ema Oan tuun mai iha kalohan leten, ho kbiit boot no naroman nabilan nian.

Mateus 25:31

Jesus hatutan tan dehan, “Hau, Ema Oan sei fila fali mai hosi lalehan ho naroman nabilan, i anju sira hotu mai hamutuk ho Hau. Hau sei tuur iha kadeira naroman nabilan hodi ukun nudar Liurai.

Mateus 26:64

Jesus hataan, “Loos duni, hanesan ita dehan nee. Maibee Hau hatete ba imi, aban-bainrua imi sei haree Hau, Ema Oan tuur iha Maromak Forsa Teb-tebes nia sorin loos. I imi sei haree Hau tuun mai hosi lalehan iha kalohan laran.”

Marcos 13:26

Nee liu tiha, foin ema haree Hau, Ema Oan, tuun mai hosi kalohan. Nunee ema sei haree Hau nia naroman nabilan, ho Hau nia kbiit boot hotu.

Lucas 21:26

Forsa sira iha loro-leten sei nakdoko arbiru i rungu-ranga. Haree nunee, ema sei tauk too dezmaia, tanba sira hatene dezastre boot atu mosu ona iha mundu tomak.

Apokalipse 1:7

Haree baa! Jesus sei tuun mai hosi lalehan iha kalohan laran, i ema hotu-hotu sei haree Nia, too ema nebee uluk sona Nia, sira mos sei haree. Ema hosi nasaun hotu-hotu iha mundu nee sei tanis halerik tanba Nia. Loos duni, buat nee sei sai nunee duni. Amen.

Apokalipse 14:14

Tuir mai hau haree kalohan mutin ida. Iha kalohan nee nia leten hau haree hanesan Ema ida mak tuur. Iha Nia ulun iha koroa liurai nian halo ho osan mean, i Nia kaer hela tudik koa hare nian kroat loos.