Lucas 21:20 - Biblia Tetun Dili

²⁰ Jesus koalia tan dehan, “Bainhira imi haree inimigu sira haleu ona sidade Jerusalém, imi hatene ona katak, sidade besik rahun ona.

Lucas 21:20 Iomraidhean Croise

Mateus 24:15

Hori uluk profeta Daniel hakerek kona ba ema aat teb-tebes ida sei hamriik iha fatin santu iha uma kreda boot. See mak lee liafuan nee, komprende baa!

Marcos 13:14

Jesus koalia tan, “Iha ema aat liu sei mai. Nia sei tama baa hamriik iha Nai Maromak nia uma kreda boot laran, iha fatin ida nebee lulik liu. Tuir loloos, nia la iha direitu atu tama iha fatin nee. Nee duni, tanba nia tama ona, ema hotu sei hakribit fatin nee, i Nai Maromak mos fila kotuk tiha. Se imi haree nunee, kuidadu didiak! (See mak lee ida nee, nia tenki kuidadu ona.) Sinal nee hatudu katak, loron terus besik ona, too ona iha odamatan oin. Se haree ona nunee, ema iha provinsia Judeia tenki halai ona ba foho.

Lucas 19:43

Too tempu ida, imi nia inimigu sira sei haleu imi hanesan muru i habit imi hosi fatin hotu-hotu.

Lucas 21:7

Jesus nia eskolanti sira husu, “Mestri, buat nebee ohin Ita Boot koalia nee, bainhira mak sei akontese? Kuandu nia tempu besik ona, sinal saida mak sei mosu?”

Ebreu 11:30

Tanba povu Israel nia fiar mak sira lao haleu sidade Jerikó too loron hitu, i sidade nee nia muru mos rahun hotu.

Ebreu 12:1

Entaun, oinsaa ho ita agora? Ita hanesan ema nebee halai taru. Ita nia bei-ala sira sai ona sasin kona ba fiar, i agora sira haleu hela ita hodi asisti. Tanba nee mai ita soe tiha naha todan nebee halo ita halai la bele, liu-liu ita nia sala nebee kesi metin ita. Mai ita hakaas aan halai nafatin too rohan tuir dalan nebee Maromak hatudu ona ba ita.