Lucas 21:19 - Biblia Tetun Dili

¹⁹ Se imi aguenta nafatin, imi sei hetan moris rohan-laek.”

Lucas 21:19 Iomraidhean Croise

Mateus 10:22

Ema iha nebee-nebee deit sei odi imi tanba imi tuir Hau. Maibee ema nebee mak aguenta nafatin too rohan, Maromak sei salva sira.

Mateus 24:13

Maibee ema nebee tuir nafatin Hau too rohan, Maromak sei salva nia.

Lucas 8:15

Maibee fini nebee monu iha rai bokur, mak ema nebee moris loos ho laran moos. Bainhira sira rona Maromak nia liafuan, sira rai didiak iha sira nia laran hodi kaer metin nafatin too foo rezultadu diak teb-tebes.”

Roma 15:4

Buat hotu-hotu nebee hakerek ona iha Livru Sagradu, hakerek hodi hanorin ita, tulun ita hodi aguenta nafatin no foo korajen, para ita laran metin liu tan ba Maromak.

Roma 2:7

Maromak sei foo moris rohan-laek ba ema nebee badinas halo buat diak bebeik, atu nunee, Maromak respeita i foti aas sira nia naran.

Roma 5:3

Laos nee deit, maibee ita nia laran mos haksolok iha terus laran, tanba ita hatene katak, hosi terus nee ita aprende atu aguenta liu tan.

Roma 5:4

Se ita aguenta iha terus laran, nee halo ita nia laran metin liu tan. Ita nia laran metin nee halo ita fiar nafatin ba Maromak nia promesa.

Roma 8:25

Maibee se ita seidauk hetan, ita hein ho pasiensia nafatin.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

2 Tesalonika 3:5

Ami halo orasaun para Nai Jesus halo imi komprende liu tan katak Nai Maromak hadomi imi, i ajuda imi aguenta ho pasiensia iha terus laran, hanesan mos Kristu.

Ebreu 10:36

Aguenta ho pasiensia deit baa, atu nunee imi halo tuir nafatin Nai Maromak nia hakarak, i too ikus imi simu buat hotu-hotu nebee Nia promete ona ba imi.

Ebreu 6:11

Ami hakarak atu imi ida-idak hatudu nafatin imi nia domin nee too rohan, atu nunee imi bele laran metin katak, imi sei hetan buat nebee mak Nai Maromak promete tiha ona atu foo ba imi.

Ebreu 6:15

Entaun Abraão hein ho pasiensia, i too ikus hetan duni buat nebee mak Maromak promete ba nia.

Tiago 1:3

Tanba imi hatene katak, se imi aguenta iha terus ho tentasaun nia laran, i laran metin nafatin ba Maromak, maka imi sei kontinua metin liu tan.

Tiago 1:4

Imi tenki kontinua metin nafatin too imi sai ema nebee diak, la iha frakeza ida, i prontu atu hasoru saida deit.

2 Pedro 1:6

Imi mos tenki domina aan i hatene aguenta nafatin, i moris halo tuir Maromak nia hakarak.

Apokalipse 1:9

Hau João, imi nia maun-alin. Ita hotu hetan susar ho terus tanba ita hakruuk ba Jesus nudar Liurai, maibee ita aguenta ho pasiensia nafatin. Ema kastigu hau iha ilha Patmos tanba hau foo sai Nai Maromak nia liafuan i foo sasin kona ba Jesus.

Apokalipse 13:10

Se Maromak desidi ona katak, ema ruma tenki sai dadur, nia sei sai dadur duni. Se Maromak desidi ona katak, ema ruma tenki mate ho surik, nia sei mate duni ho surik. Nee duni sarani sira tenki aguenta ho pasiensia nafatin i fiar metin too rohan.

Apokalipse 14:12

Entaun imi nebee sai ona Nai Maromak nia povu, imi nebee halo tuir Nai Maromak nia ukun fuan i fiar metin ba Jesus too rohan, imi tenki aguenta ho pasiensia nafatin.

Apokalipse 3:10

Hau uluk haruka imi aguenta ho pasiensia iha terus nia laran, i imi halo tuir duni Hau nia liafuan nee. Tanba nee hau sei kuidadu didiak imi iha tempu susar no terus nebee mak sei mai iha mundu tomak. Maromak sei uza susar ho terus nee hodi koko ema hotu-hotu iha mundu.