Lucas 21:12 - Biblia Tetun Dili

¹² Molok buat sira nee atu akontese, ema sei kaer imi, i halo terus imi. Sira sei entrega imi ba lider uma kreda hodi tesi imi nia lia, i sei hatama imi ba kadeia. Sira mos sei foo sala ba imi iha liurai ho nai ulun sira nia oin. Buat sira nee hotu sai nunee, tanba imi tuir Hau.

Lucas 21:12 Iomraidhean Croise

Mateus 22:6

I konvidadu sira seluk kaer tiha atan sira nee hodi halo terus sira i oho tiha sira.

Mateus 24:8

Maibee susar sira nee foin mak hahuu, hanesan feto isin rua nebee foin kanotak moras atu tuur ahi.

Lucas 21:11

Rai sei nakdoko makaas iha fatin-fatin, sei iha hamlaha boot, i moras aat oi-oin sei halo ema barak mate. Sinal boboot mos sei mosu iha loro leten, halo ema nia isin fulun hamriik.

João 15:20

Keta haluha buat nebee Hau foo hatene ona ba imi dehan, ‘Atan ida la boot liu nia patraun.’ Entaun se sira halo terus Hau, sira mos halo terus imi. Se sira rona Hau nia Liafuan, entaun sira mos rona ba imi.

João 15:21

Sira sei halo terus imi, tanba imi hamutuk ho Hau. Sira halo nunee, tanba sira la konhese Nia nebee haruka Hau mai.

Apostolu sira nia Istoria 22:30

Iha aban fali, komandante sei hakarak buka hatene loloos lia nee nia huun oinsaa. Entaun nia haruka soldadu sira baa bolu nai-lulik Judeu nia ulun sira ho ema boot sira seluk nebee baibain tesi lia, para tuur hamutuk iha tribunal. Nia mos haruka kore tiha korenti iha Paulo, i lori nia baa aprezenta iha sira nia oin.

Apostolu sira nia Istoria 5:40

Depois sira bolu apostolu sira tama fali ba laran, i sira haruka ema baku sira ho sikoti. Sira mos bandu apostolu sira la bele koalia tan kona ba Jesus. Depois sira husik tiha sira baa.

Apostolu sira nia Istoria 8:3

Saulo mos buka dalan hodi halo rahun Jesus nia ema sira. Nia tama-sai uma hodi buka sarani sira. Bele feto ka mane, nia kaer hotu, rasta baa hatama iha kadeia.

Apostolu sira nia Istoria 9:4

Nia monu kedas ba rai, i nia rona lian ida dehan, “Saulo! Saulo! Tansaa o halo terus Hau nunee?”

1 Pedro 2:13

Ita nia Nai hakarak imi tenki hakruuk ba ukun nain sira. Imi tenki hakruuk ba liurai, tanba nia mak ukun nain nebee boot liu.

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.