Lucas 20:47 - Biblia Tetun Dili

⁴⁷ Maibee sira mos gosta han-matak feto faluk sira hodi hadau sira nia uma, i sira finji harohan nar-naruk para taka falta sira nia hahalok aat. Nai Maromak sei kastigu sira todan liu fali ema seluk.”

Lucas 20:47 Iomraidhean Croise

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Mateus 23:14

[Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi gosta haan-matak feto faluk sira hodi hadau sira nia uma, i finji harohan nar-naruk para taka falta imi nia hahalok aat. Nee duni Maromak sei kastigu imi todan liu fali ema seluk.]

Marcos 12:40

Maibee imi tenki kuidadu! Tanba sira fila lia hodi han-matak feto faluk sira, too hadau sira nia uma hotu. Maibee iha ema barak nia oin, sira finji harohan nar-naruk, hodi taka falta sira nia hahalok aat nee. Para ema bele dehan, sira ema moos. Maibee Nai Maromak sei foo kastigu todan liu ba sira.”

Lucas 12:1

Iha tempu nebaa, ema rihun ba rihun sena malu hodi mai rona Jesus nia hanorin. Jesus hanorin uluk ba Nia eskolanti sira dehan, “Kuidadu ho ema Farizeu sira. Tanba sira nee koalia oin ida, hahalok oin seluk. Sira nia hahalok nee hanesan fermentu, ema tau ituan deit ba trigu, depois trigu sae.

Lucas 20:46

“Imi tenki kuidadu didiak ho mestri relijiaun sira. Sira gosta hatais batina naruk hodi lao, i gosta ema kumprimenta sira iha merkadu. Bainhira iha uma kreda laran ka iha festa, sira gosta tuur iha oin hanesan ema boot.

Lucas 21:1

Jesus hateke ba kaixa oferta Uma Kreda Boot nian, Nia haree ema riku balu tau osan ba kaixa laran.

1 Tesalonika 2:5

Imi mos hatene katak, ami nunka kos-kose imi, saa tan hakfodak ba osan hanesan ema balu nebee hakarak manaan deit osan. Nai Maromak mak ami nia sasin katak ami nunka halo hanesan nee.

Tito 1:16

Mestri falsu sira nee dehan sira konhese Maromak, maibee sira nia hahalok hatudu katak sira la konhese Nia. Sira koalia oin ida, hahalok oin seluk. Ema sira nee hahalok aat. Sira lakohi halo tuir Nai Maromak nia hakarak, i sira la iha kapasidade hodi halo buat diak ida.

Tiago 3:1

Maun-alin doben sira, imi barak hakarak hanorin sarani sira. Maibee hanoin didiak lai, tanba imi hatene katak, ema nebee hanorin sarani sira, Maromak sei tesi sira nia lia todan liu duke ema seluk.