Lucas 20:35 - Biblia Tetun Dili

³⁵ Maibee aban-bainrua iha mundu foun, ema nebee serve atu moris fila fali hosi mate, la kaben ona.

Lucas 20:35 Iomraidhean Croise

Mateus 12:32

Nunee mos ema nebee mak koalia kontra Hau, Ema Oan, nia sei hetan perdaun. Maibee see mak koalia kontra Espiritu Santu, Maromak la foo perdaun ba nia too tinan ba tinan.”

Mateus 22:29

Jesus hataan, “Imi nia hanoin nee la loos tanba imi la hatene saida mak hakerek iha Livru Sagradu, i imi mos la komprende Maromak nia kbiit.

Marcos 10:42

Depois Jesus bolu sira hotu, hodi dehan, “Ema boot sira iha mundu nee, ukun nunee: Sira sempre hanehan sira nia reinu, too reinu sira book aan la diak. Ulun sira hosi nasaun nebee la konhese Nai Maromak, sira mos foo orden todan liu, too sira nia reinu la bele halo buat ida.

Marcos 12:24

Jesus hataan, “Se imi husu nunee, nee hatudu katak imi la komprende Nai Maromak nia Liafuan iha Livru Sagradu. I imi mos la komprende Nia kbiit. Nunee imi sala duni.

Lucas 16:8

Maski nia halo manipulasaun nunee, maibee too ikus nia patraun gaba nia, tanba nia hatene halo manobra.” Jesus hatutan tan dehan, “Loos duni, ema mundu nian hatene liu halo manobra duke ema nebee moris iha naroman laran.”

Lucas 21:36

Nee duni, matan moris neon nain nafatin. Halo orasaun bebeik atu imi bele liu hosi susar nee ho diak. Nunee too ikus imi sei la tauk hamriik metin iha Ema Oan nia oin.”

João 5:29

I sira sei moris fali no sai hosi rate. Ema sira nebee uluk halo buat diak, sei hetan moris rohan laek, maibee ema sira nebee uluk halo buat aat, sei hetan kastigu rohan laek.”

Apostolu sira nia Istoria 24:15

Hau laran metin ba Nai Maromak, hanesan mos ema sira nebee kontra hau nee. Ami hotu fiar katak, Nai Maromak sei halo ema mate hotu-hotu moris fali: ema diak, ho mos ema aat.

Apostolu sira nia Istoria 5:41

Sira sai hosi tribunal relijiaun ho laran haksolok, tanba Nai Maromak konsidera sira serve atu terus tanba Jesus.

2 Tesalonika 1:5

Nee hotu hatudu prova katak, Nai Maromak sei tesi lia ho loos. Nunee, Maromak nudar Liurai Boot sei konsidera imi serve duni atu sai membru iha reinu Maromak nian. Tanba imi serbii Liurai nee mak imi terus nunee.

Ebreu 11:35

Senhora balu simu fali sira nia maluk nebee mate, tanba Maromak halo moris fila fali. Iha mos balu, ema simu terus too mate tanba sira fiar ba Nai Maromak. Sira lakohi nega Nai Maromak para ema hasai sira hosi terus nee, tanba sira laran metin katak, bainhira sira mate, sira sei simu fali moris ida nebee diak liu.

Apokalipse 3:4

Maibee hosi imi iha Sardis, iha balu mak laran moos nafatin, hanesan ema nebee la halo foer nia hena. Sira nee sei lao hamutuk ho Hau, hatais hena mutin, tanba sira serve duni.