Lucas 20:21 - Biblia Tetun Dili

²¹ Sira dehan nunee: “Mestri, ami hatene katak Ita Boot sempre koalia buat nebee loos, i la hili ema. Ita Boot sempre hanorin ho loos kona ba Nai Maromak nia hakarak.

Lucas 20:21 Iomraidhean Croise

Mateus 22:16

Nunee sira haruka ema balu baa atu koko Jesus. Ema sira nee mak Farizeu nia eskolanti sira ho ema hosi partidu Erodes nian. Sira finji husu ba Jesus dehan, “Mestri, ami hatene katak Ita Boot ema nebee onestu i sempre hanorin Maromak nia dalan ho loloos. Ita Boot la hola ba lia ho ema seluk nia hanoin, i Ita Boot la fihir ema.

Marcos 12:14

Too iha Jesus, sira hatete, “Mestri, ami hotu hatene katak Ita Boot ema nebee moris loos, i Ita Boot la haree ba ema kiik ka boot, maibee haree deit ba ema nia laran. Ita Boot la fila lia tuun-sae, maibee Ita Boot hanorin Nai Maromak nia liafuan ho loloos deit. Ami atu husu liafuan ida. Tuir ita nia relijiaun Judeu, ita tenki selu impostu ba estadu Roma nia liurai boot, ka lae?”

Lucas 20:20

Nunee mestri relijiaun ho nai lulik nia xefi sira haree tutuir Jesus. Sira haruka sira nia ema balu baa hafuhu Jesus hodi husu pergunta ba Nia. Ema sira nee finji husu ho laran, afinal buka atu halo monu Nia. Se Nia hataan sala, sira bele kesar Nia ba governador, para haruka kaer Jesus.

Lucas 20:22

Ami nia pergunta mak nee: Tuir ita nia lei relijiaun, ita bele selu impostu ba estadu Roma nia liurai boot César ka lae?”

João 3:2

Iha kalan ida, nia baa hasoru Jesus, hodi dehan, “Mestri! Ami hatene katak Maromak mak haruka Ita Boot mai hanorin ami. Tanba milagre sira nebee Ita Boot halo nee, hatudu katak Maromak mak foo kbiit ba Ita Boot. Se laos nunee, buat sira nee sei la akontese.”

2 Korintu 2:17

Iha mestri barak mak hanorin Maromak nia liafuan ho objetivu atu manaan osan deit. Maibee ami la hanesan sira. Ami nee hanorin ho laran moos hodi Kristu nia naran, tanba Maromak mak haruka ami, i Nia haree hela ami.

Galasia 1:10

Hau koalia hanesan nee, atu ema bele gaba hau ka? Lae! Hau hakarak atu halo haksolok Maromak nia laran, laos atu halo haksolok ema nia laran. Se hau buka atu ema gaba hau karik, entaun hau laos Kristu nia atan.

Galasia 2:6

Lider sira nee mak ema nebee hamriik iha sarani sira nia oin. Maibee mai hau, atu ema boot ka ema kiik, hau la interese, tanba Maromak la haree ba ida nee. Bainhira hau hatoo hau nia hanorin ba sira, sira simu ho diak, i la aumenta liafuan ida.