Lucas 20:17 - Biblia Tetun Dili

¹⁷ Jesus hateke ba sira hodi husu, “Entaun nusaa mak Maromak nia profeta hakerek nunee: ‘Iha fatuk ida nebee badaen sira soe tiha ona, maibee agora fatuk nee sai fali fatuk prinsipal.’

Lucas 20:17 Iomraidhean Croise

Mateus 21:42

Depois Jesus hatete ba sira, “ Imi nunka lee iha Livru Sagradu ka? Iha nebaa dehan, ‘Iha fatuk ida nebee badaen fatuk sira soe tiha ona, agora fatuk nee sai fali fatuk nebee importante liu sira seluk. Nai Maromak rasik mak hili fatuk nee, ita haree ba furak teb-tebes.’ ”

Marcos 10:23

Entaun Jesus haree baa-mai, i hatete ba Nia eskolanti sira dehan, “Rona mai! Ema riku, susar teb-tebes atu tama ba lalehan.”

Marcos 12:10

Ita hotu lee tiha ona iha Maromak nia Eskritura Sagradu dehan, ‘Iha fatuk ida mak badaen sira soe tiha ona. Maibee agora, fatuk nee sai fali fatuk nebee prinsipal liu.

Marcos 3:5

I Jesus nia laran susar teb-tebes, tanba sira interese liu ba sira nia lei deit, i la hanoin ema nebee liman sorin mate nee. Depois Nia fihir sira hotu ho hirus. I Nia hatete ba ema nee, dehan, “Lolo o nia liman mai!” Ema nee foo nia liman baa, i derepenti deit nia liman nee mos diak kedas.

Lucas 19:41

Bainhira sira besik atu tama ona Jerusalém, Jesus haree sidade nee, Nia tanis

Lucas 22:37

Tanba ema judeu sira konsidera Hau hanesan ema nebee halo krimi ka ema aat. La kleur tan sira sei mai kaer Hau. Nee tuir saida maka profeta Isaias hakerek ona. Agora sei sai duni. Buat nebee hakerek kona ba Hau nee besik kumpri ona."

Lucas 22:61

Nai Jesus fila ba kotuk hodi hateke loos ba Pedro. I Pedro hanoin fali Nai Jesus nia liafuan nebee Nia dehan, “Molok manu kokoreek, o sei nega Hau dala tolu.”

Lucas 24:44

Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”

João 15:25

Maibee buat sira nee hotu akontese tuir saida mak hakerek ona iha Maromak nia Eskritura Sagrada dehan, ‘Sira odi Hau, maibee la iha razaun ida.’

Apostolu sira nia Istoria 4:11

Uluk ema hakerek kona ba fatuk ida, hodi hatudu ba Nai Jesus nunee, ‘Iha fatuk ida mak badaen sira foti soe tiha ona; maibee agora fatuk nee sai fali fatuk prinsipal liu.’

Efezu 2:20

Nee hanesan Nai Maromak harii uma ida. Kristu Jesus hanesan fatuk prinsipal liu iha uma nee. Depois Nia apostolu sira ho profeta sira nebee tatoli Nia liafuan, mak hanesan fatuk nebee Maromak hada uluk. Depois Nia hada mos imi hamutuk iha fatuk sira nee nia leten.

1 Pedro 2:6

Tanba iha Livru Sagradu Nai Maromak dehan, “Haree baa! Hau tau hela fatuk ida iha sidade Siaun. Fatuk nee folin boot teb-tebes, i Hau hili fatuk nee para sai fatuk ida nebee importante liu iha sidade nee. See mak fiar ba Nia sei la moe.”