Lucas 20:16 - Biblia Tetun Dili

¹⁶ Nia sei baa oho tiha sira hotu, depois foo fali toos nee ba ema seluk aluga.” Bainhira sira rona Jesus koalia nunee, sira dehan, “Nee sei la akontese!”

Lucas 20:16 Iomraidhean Croise

Mateus 21:34

Bainhira tempu besik ku ona uvas, toos nain haruka nia atan balu baa simu rezultadu hosi toos uvas nebee ema aluga nee.

Mateus 21:41

Sira hataan, “Nia sei kastigu mate tiha ema aat sira nee. I nia sei foo fali toos nee ba ema seluk hodi aluga, atu nunee too tempu kuu uvas, nia sei simu rezultadu hosi ema nebee aluga toos uvas nee.”

Mateus 22:7

Rona nunee, liurai hirus teb-tebes i haruka nia soldadu sira baa oho tiha ema oho door sira nee i sunu motuk tiha sira nia sidade.

Marcos 12:9

Depois Jesus husu ba ema boot sira, “Tuir imi nia hanoin, toos nain nee atu halo saida ba ema sira aluga toos nee? Tuir Hau nia hanoin, toos nain sei baa iha toos nee, i sei oho tiha sira hotu. Depois nia foo fali nia toos nee ba ema seluk aluga.

Lucas 19:27

Agora, hau nia inimigu sira nebee lakohi simu hau hanesan liurai, imi baa kaer sira, lori mai oho tiha hotu iha hau nia oin.’ ”

Lucas 20:15

Nunee sira rasta nia sai hosi toos laran, i oho tiha nia. Agora, tuir imi nia hanoin, toos nain sei halo saida ba ema sira nebee aluga toos nee?

Apostolu sira nia Istoria 13:46

Maibee Paulo ho Barnabé koalia ho aten brani teb-tebes dehan, “Nai Maromak haruka ami ba hatoo uluk Nia Liafuan ba ema Judeu. Maibee imi lakohi simu. Nee hatudu katak imi la merese atu hetan moris rohan laek hamutuk ho Nai Maromak. Nunee agora, ami sei lori Novidade Diak nee ba hatoo ba iha nasaun sira seluk.

Roma 11:1

Agora hau husu tan: Entaun Maromak fila kotuk ba Nia povu Israel ka? Lae liu! Hau rasik ema Israel, hau Abraão nia jerasaun, hosi suku Benjamim.

Roma 11:11

Entaun hau husu nunee: Bainhira ema Judeu sira sidi fatuk, sira monu too la bele hamriik ka? Lae! Maibee tanba sira kontra Maromak, nee mak dalan nakloke ba ema nebee laos Judeu atu hetan salvasaun. Nee para ema Judeu sira bele laran moras ba sira.

Roma 3:31

Entaun, se ita fiar ba Jesus Kristu, nee dehan katak ita soe tiha Maromak nia lei ka? Lae liu! Ita hametin liu tan lei nee.

Roma 3:4

Nia kumpri nafatin! Maski ema hotu-hotu iha mundu bosok tuun-sae mos, Maromak loos nafatin. Nee hanesan hakerek tiha ona iha Livru Sagradu dehan, “Iha ema balu foo sala dehan, Maromak tesi lia la loos. Maibee sira sei haree momoos katak, saida mak Nia koalia sempre loos, i Nia sempre manaan, tanba Nia nunka bosok.”

Roma 3:6

Maibee laos nunee! Tanba se Maromak la iha direitu atu kastigu ema, oinsaa mak Nia bele julga ema hotu-hotu iha mundu?

Roma 6:15

Se ita la moris ona iha lei relijiaun judeu nia okos, maibee Maromak nia grasa mak domina fali ita, entaun ita bele moris nafatin iha sala nia laran ka? La bele!

Roma 6:2

Nee la loos! Tanba kona ba sala, ita hanesan mate tiha ona, i ema nebee mate la halo tan sala ona.

Roma 7:13

Se nunee, lei nebee diak nee mak hamate hau ka? Lae! Sala nebee iha hau nia laran mak uza fali lei nee hodi hamate hau. Nunee mak foin hau bele hatene katak, hau nia hahalok aat nee sala duni i Maromak hakribit teb-tebes.

Roma 7:7

Se nunee, agora ita atu dehan saida? Maromak nia lei nee sala ka? Lae liu! Tanba liu hosi lei nee mak foin hau hatene, sala nee saida. Por ezemplu, iha lei ida dehan, “La bele kaan ema nia sasaan.” Hosi lei ida nee mak foin hau komprende katak, kaan sasaan nee sala ida.

Roma 9:14

Se nunee, ita atu dehan saida? Maromak tesi lia la loos ka? Lae!

1 Korintu 6:15

Keta haluha katak, imi nia isin lolon halo parte iha Kristu. Entaun hau nia isin lolon nebee sai tiha ona Kristu nian nee, hau atu entrega fali hodi halo relasaun seksual ho feto luroon ka? Mak lae duni!

Galasia 2:17

Ami fiar katak Maromak deklara ami moris loos ona tanba ami fiar ba Kristu. Maibee too ikus ema Judeu balu foo sala mai ami dehan, ami halo sala tanba la tuir ona lei relijiaun. Se nunee, Kristu mak halo ami sala ka? Lae liu!

Galasia 3:21

Karik imi hanoin katak, Maromak nia lei relijiaun kontra fali Nia promesa. Lae liu! Se ita ema bele kumpri hotu lei nee, entaun Maromak bele simu ita i foo moris mai ita liu hosi lei. Maibee la iha lei ida mak ita bele kumpri hotu.

Galasia 6:14

Maibee ba hau, hau lakohi gaba buat ida, hau so gaba deit kona ba Nai Jesus Kristu nia mate iha krus. Tanba Nia mate ona iha krus, maka buat mundu nian la iha tan folin mai hau. I tuir ema mundu nia hanoin, hau mos hanesan mate tiha ona.