Lucas 2:9 - Biblia Tetun Dili

⁹ Derepenti deit Nai Maromak nia anju ida mosu ba sira, i Maromak nia naroman nabilan haleu sira, halo sira tauk teb-tebes.

Lucas 2:9 Iomraidhean Croise

Mateus 1:20

Maibee bainhira José hanoin hela planu nee, Nai Maromak nia anju ida mai hatudu aan ba nia liu hosi mehi hodi dehan, "José, liurai David nia jerasaun, la bele tauk atu kaben ho Maria, tanba labarik nebee mak iha Maria nia kabun-laran nee mai hosi Espiritu Santu.

Lucas 1:28

Entaun anju Gabriel baa hasoru Maria hodi kumprimenta nia dehan, “Shalom, Nai Maromak foo bensaun ba o, i Nia hamutuk ho o.”

Lucas 2:8

Iha kalan nee, bibi atan balu hein hela sira nia bibi malae iha animal sira nia haan fatin dook hosi sidade.

Lucas 24:4

Sira hotu bilaan tiha hodi hanoin hela buat nee. Derepenti deit, mane nain rua hatais hena lakan nabilan hamriik hela iha sira nia sorin.

João 12:41

Isaias koalia nunee, tanba nia haree ona Jesus nia naroman-nabilan, i nia konta kedas kona ba Jesus.

Apostolu sira nia Istoria 12:7

Derpenti deit, Nai Maromak nia anju ida mosu, i kuartu kadeia nee sai naroman nabilan tiha. Anju nee fanu Pedro i dehan, “Hadeer lalais!” Korenti namkore kedas hosi Pedro nia liman.

Apostolu sira nia Istoria 27:23

Hori kalan, Nai Maromak, ida nebee hau serbii nee, haruka Nia anju ida mai hamriik iha hau nia sorin, hodi hatete,

Apostolu sira nia Istoria 5:19

Maibee iha kalan nee kedas Nai Maromak nia anju ida baa loke kadeia nia odamatan, i lori sira sai ba liur. Nia hatete,

2 Korintu 3:18

Agora ita hotu nia oin la taka ona, ema bele haree Nai nia naroman nabilan iha ita. Tanba Maromak nia Espiritu transforma ita nia aan too ita sai hanesan ita nia Nai. Nunee Nia halo naroman nee nabilan ba bebeik iha ita nia aan.

2 Korintu 4:6

Tanba Maromak rasik dehan, “Tenki iha naroman hodi leno iha nakukun laran.” Agora mos Maromak foo Nia naroman hodi leno ita nia laran. Nunee ita bele hatene katak Maromak nee makaas teb-tebes, tanba ita haree naroman nabilan nian iha Kristu nia oin.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

Ebreu 12:21

Buat nebee povu Israel haree nee, halo sira tauk teb-tebes too Moisés mos dehan, “Hau tauk teb-tebes ho nakdedar.”

Apokalipse 18:1

Hotu tiha hau haree anju ida tan tuun mai hosi lalehan. Anju nee nia kbiit boot i nia nabilan too halo mundu nee sai naroman hotu.

Apokalipse 20:11

Hotu tiha hau haree kadeira ukun mutin boot ida, ho mos Ida nebee tuur iha kadeira ukun nee. Derepenti deit lalehan ho rai halai sees hosi Nia futar oin too lakon tiha.