Lucas 2:49 - Biblia Tetun Dili

⁴⁹ Maibee Jesus hataan, “Tanba saa mak imi tenki buka Hau? Imi la hatene katak, Hau tenki iha Hau nia Aman nia uma?”

Lucas 2:49 Iomraidhean Croise

Mateus 21:12

Depois Jesus tama iha area uma kreda boot nian, Nia duni sai ema sira nebee halo kontratu iha fatin nee. Nia dudu baku fila tiha meza nebee ema uza hodi troka osan, i banku nebee ema tuur hodi faan manu pombu mos Nia dudu baku fila hotu.

Lucas 2:48

Haree nunee, Nia inan-aman mos admira. Depois Nia inan dehan, “Oan, nusaa mak O halo nunee mai ami? O nia aman ho hau laran susar hodi buka O!”

João 4:34

Maibee Jesus hatete, “Nai Maromak haruka Hau mai hodi halo tuir Nia hakarak, no halao Nia serbisu too remata. Ida nee mak hanesan hahaan ba Hau.

João 5:17

Maibee Jesus foo hatene ba sira dehan, “Hau nia Aman serbisu nafatin. Nunee, Hau mos serbisu nafatin.”

João 5:36

Tuir loloos, iha Ema ida boot liu João nebee foo sasin kona ba Hau. Nia mak Hau nia Aman iha lalehan, nebee foo knaar hotu mai Hau, para Hau halao too remata. Serbisu sira nee mak hatudu katak, Aman mak haruka Hau mai.

João 6:38

Tan Hau tuun mai hosi lalehan hodi halo tuir Hau nia Aman iha lalehan nia hakarak. Tanba Nia mak haruka Hau mai. Hau lakohi halo tuir Hau nia hakarak rasik.

João 8:29

Ida nebee haruka Hau mai nee sempre hamutuk ho Hau. Nia nunka husik Hau mesak, tanba Hau sempre halo tuir Nia hakarak.”

João 9:4

Nai Maromak mak haruka Hau mai. Nunee ita tenki hakaas aan hodi halao Nia serbisu bainhira rai sei loron. Tanba bainhira kalan mai ona, ema la bele serbisu tan ona.