Lucas 2:4 - Biblia Tetun Dili

⁴ Nunee mos José sai hosi Nazaré iha Galileia hodi baa rejistu iha liurai David nia moris fatin Belém iha provinsia Judeia, tanba José hosi liurai David nia jerasaun.

Lucas 2:4 Iomraidhean Croise

Jenesis 35:19

I sira hakoi Raquel iha dalan ninin atu baa iha Efrata, (nebee agora naran Belém).

Jenesis 48:7

Hau halo nunee, hodi hanoin o nia inan Raquel. Bainhira ita sai hosi Mezopotámia ba Kanaán, o nia inan mate iha dalan klaran besik aldeia Efrata iha rai Kanaán. Loron nee, hau nia laran tristi teb-tebes! Hau hakoi nia iha dalan ibun atu tama ba aldeia Efrata.” (Aldeia nee agora, sira tau naran Belém.)

Mateus 1:20

Maibee bainhira José hanoin hela planu nee, Nai Maromak nia anju ida mai hatudu aan ba nia liu hosi mehi hodi dehan, "José, liurai David nia jerasaun, la bele tauk atu kaben ho Maria, tanba labarik nebee mak iha Maria nia kabun-laran nee mai hosi Espiritu Santu.

Mateus 2:23

iha aldeia ida naran Nazaré. Nunee buat nebee profeta sira uluk koalia akontese duni. Sira dehan, “Ema sei bolu Nia ema Nazaré.”

Lucas 2:3

Entaun ema hotu-hotu fila ba ida-idak nia aldeia hodi rejistu.

Lucas 2:5

Nia lori mos Maria, tanba sira nain rua troka prenda ona. Momentu nee, Maria isin rua hela.

Lucas 4:16

Iha loron ida, Jesus baa iha Nia aldeia Nazaré. Hanesan baibain iha loron Sabadu, Nia baa iha uma kreda. Depois Nia hamriik hodi lee Livru Sagradu.

João 1:46

Maibee Natanael hataan, “Ema hosi Nazaré? La iha buat diak ida mak mai hosi Nazaré!” Filipe dehan, “Keta dehan nunee. Mai haree rasik ba!”

João 7:42

Tanba tuir Maromak nia Eskritura Sagrada, Kristu nee, liurai David nia jerasaun. Iha fatin seluk hakerek mos dehan, Nia nee, ema Belem oan, iha liurai David nia moris fatin. Loos, ka lae?”

Rut nia Istoria 1:19

I sira nain rua lao nafatin, too iha aldeia Belem. Bainhira feto nain rua nee too iha nebaa, ema hotu admira ho sira. Feto sira iha aldeia nee husu ba malu no dehan, “Nee tia Noemi, ka?”

Rut nia Istoria 2:4

Bainhira Rut hili hela trigu restu, derepenti toos nain, Boas, mai hosi aldeia para haree nia ema sira serbisu nee. Nia hasee sira dehan, “Saloom! Biar NAI Maromak tau matan nafatin ba imi!” Sira hataan dehan, “Saloom, senhor! NAI Maromak hatudu Nia laran diak ba ita!”

Rut nia Istoria 4:11

I lia nain sira iha sidade nee ho ema hotu nebee halibur iha nebaa hataan dehan, “Loos duni! Ami haree rasik ho ami nia matan. Ami mak sai sasin. Feto nebee tama iha ita nia uma, NAI halo nia sai hanesan Rakel ho Leia. Tanba ema Israel hotu mai hosi sira nain rua nia jerasaun. Nai halo ita sai ema boot iha Efrata, i sai ema nebee naran diak iha sidade Belem.

Rut nia Istoria 4:17

I feto sira iha sidade nee koalia dehan, “Agora Noemi hanesan iha fali oan. Nee laos halimar!” I sira foo naran ba labarik nee ‘Obede’. Bainhira Obede boot mai, nia iha oan mane ida, naran Jesse. I Jesse iha oan mane ida, naran David, nebee sai liurai.