Lucas 2:36 - Biblia Tetun Dili

^36-37 Iha Uma Kreda Boot, iha mos profeta feto ida naran Ana. Nia aman naran Fanuel, hosi suku Asér. Nia kaben i moris hamutuk ho nia lain tinan hitu, depois nia kaben mate, husik hela nia faluk. Agora nia halo ona tinan walu-nulu resin haat, i ferik liu ona. Nia nunka husik Uma Kreda Boot, no hela iha nebaa hodi adora Nai Maromak loron-kalan ho orasaun no jejun.

Lucas 2:36 Iomraidhean Croise

Jenesis 30:13

I Lea hatete, “Agora hau foin kontenti! Feto sira sei koalia ba malu dehan, hau sorti teb-tebes ona.” Nee mak nia tau naran ba labarik nee, Asér. (Nee dehan katak ‘haksolok’.)

Lucas 2:35

Ho nunee, sira sei hatudu loloos, saida mak iha sira nia laran. I Maria, o mos sei laran tristi teb-tebes, hanesan surik sona borus o nia laran.”

Lucas 2:38

Simeão sei koalia hela ho José no Maria, profeta Ana mos too mai. Nia hahii Nai Maromak, i foo sai kona ba Jesus ba ema hotu nebee hein hela Maromak atu foo liberdade ba povu Israel.

Apostolu sira nia Istoria 2:18

Molok mundu nee remata, Hau sei fakar Hau nia Espiritu ba ema hotu nebee halo tuir Hau nia orden. Hau sei foo ba mane, ho mos ba feto. I sira sei foo sai saida mak Hau hatete ona ba sira.

Apostolu sira nia Istoria 21:9

Filipe iha oan feto-raan nain haat. Nai Maromak baibain uza sira hanesan profeta hodi foo tutan Maromak nia lia menon.

1 Korintu 11:5

Maibee bainhira feto halo orasaun ka foo tutan Maromak nia lia menon, nia tenki taka nia ulun. Se lae, nia la hatudu respeitu ba nia laen nudar nia ulun. Nia hanesan fali feto nebee mak ema koi tiha ona nia ulun.

1 Korintu 12:1

Maun-alin sira, hau hakarak atu imi komprende kbiit nebee Espiritu Santu foo ba ita ida-idak hodi halao Maromak nia serbisu.

1 Timóteo 3:2

Lideransa sarani nian tenki ema diak, povu respeita. Nia tenki moris loos no iha feen ida deit. Nia tenki hatene aan, domina aan, naran diak, simu bainaka iha uma ho laran tomak, i hatene hanorin.

1 Timóteo 5:9

Bainhira halo lista feto faluk sira, hili deit ema hanesan tuir mai nee: nia tinan hosi 60 ba leten, i nia foo laran no moris loos deit ho nia laen.

Apokalipse 7:6

hosi suku Aser, ema rihun sanulu resin rua; hosi suku Naftali, ema rihun sanulu resin rua; hosi suku Manassés, ema rihun sanulu resin rua;