Lucas 2:34 - Biblia Tetun Dili

³⁴ Depois Simeão foo bensaun ba sira, i hatete ba Jesus nia inan Maria, “Maromak desidi ona katak, ema Israel barak sei monu tanba la simu Labarik nee, maibee sira seluk Nia sei foti sae. Nia sei hatudu sai Maromak nia planu, maibee ema barak sei koalia kontra Nia.

Lucas 2:34 Iomraidhean Croise

Jenesis 14:19

I nia foo bensaun ba Abrão dehan, “Nai Maromak Aas Liu, nebee halo lalehan ho rai, foo bensaun ba o. Grasa ba Nai Maromak, ida nebee halo o manaan ona o nia inimigu.” Depois Abrão fahe sasaan nebee nia hadau tiha ona ba parte sanulu. Parte ida nia foo ba Melkizedek. Ida nee mak dehan dizimu.

Jenesis 47:7

Tuir mai, José aprezenta nia aman ba liurai. Jacó mos harohan ba Nai Maromak para foo bensaun ba liurai nee.

Mateus 11:19

Maibee Hau, Ema Oan mai, Hau haan ho hemu hanesan ema baibain, i ema dehan, Hau kaan-teen ho lanu-teen, i halo belun ho kobrador impostu sira no ema sala nain. Maromak nia matenek hatudu liu hosi ema nia moris loos.”

Mateus 12:46

Bainhira Jesus koalia hela ho ema lubun boot nee, Nia inan ho Nia alin sira mai hamriik iha liur i hakarak tebes atu hasoru Nia.

Mateus 21:44

Ema nebee monu kona Fatuk nee, nia sei tohar. I se Fatuk nee monu kona ema ruma, ema nee sei rahun uut.”

Mateus 27:63

Sira dehan, “Senhor, ami hanoin hela Ema bosok-teen nee nia liafuan. Uluk Nia sei moris, Nia dehan katak liu tiha loron tolu Nia sei moris fali.

Lucas 2:35

Ho nunee, sira sei hatudu loloos, saida mak iha sira nia laran. I Maria, o mos sei laran tristi teb-tebes, hanesan surik sona borus o nia laran.”

João 3:20

Ema hotu nebee halo buat aat, odi naroman nee. Tan naroman nee hatudu momoos sira nia hahalok aat.

João 5:18

Ema Judeu nia boot sira hirus demais ona ho Jesus. Nunee, sira buka dalan hodi oho Nia, tanba Jesus kontra sira nia lei loron Sabadu, loron la bele serbisu. Saa tan, Nia mos dehan Nai Maromak nee, Nia Aman. Ho liafuan nee, Nia foti Nia aan hanesan ho Maromak.

Apostolu sira nia Istoria 13:45

Bainhira nai ulun Judeu sira haree ema barak mai rona Paulo ho Barnabé, sira laran moras. Nunee sira hatete aat Paulo i kontra kedas nia koalia.

Apostolu sira nia Istoria 17:6

Maibee sira buka la hetan. Nunee sira kaer fali Jason ho ema sarani balu hodi rasta ba iha tribunal. Sira hakilar dehan, “Ema sira nebee halo rungu-ranga iha mundu tomak, agora mos tama ona iha ita nia sidade. I Jason simu tiha ona sira iha nia uma.

Apostolu sira nia Istoria 24:5

Tuir ami haree, ema nee hanesan moras aat ida ke daet iha fatin ida ba fatin seluk. Iha nebee-nebee deit nia sempre tau lia ba ema Judeu sira para halo rungu-ranga. Nia mos ulun ida hosi grupu relijiaun ida nebee ema bolu ‘ema Nazaré’. Sira nia hanorin la haan malu ho ami nia relijiaun Judeu nian.

Apostolu sira nia Istoria 28:22

Maibee ami hakarak rona saida mak irmaun fiar, tanba ami rona ona dehan, iha fatin hotu-hotu ema la simu saida mak irmaun nia grupu relijiaun nee hanorin.”

Apostolu sira nia Istoria 4:26

Liurai sira iha mundu prepara aan hamutuk, ho nai ulun sira kombina lia ida, hodi kontra Nai Maromak ho kontra Ema ida nebee Maromak hili ona.’

Apostolu sira nia Istoria 6:7

Nunee Maromak nia Liafuan namkari too iha fatin-fatin. I ema sira nebee fiar ba Jesus amenta bebeik iha Jerusalém. Too nai-lulik Judeu barak mos tuir Jesus nia Dalan Loos.

Roma 9:32

Tanba saa mak sira la konsege? Tanba sira buka diak malu fali ho Nia liu hosi sira nia hahalok rasik, laos liu hosi fiar. Nee hanesan sira sidi ba fatuk sidi nebee halo sira monu.

1 Korintu 1:23

Maibee ami nee foo sai deit kona ba Kristu nia mate iha krus. Kristu nee Ema ida nebee Maromak promete ona hori uluk kedas atu haruka mai salva ita ema. Kristu nia mate nee hanesan fatuk ida nebee halo ema Judeu monu. I ba ema Gregu, buat nee la tama sira nia ulun.

Ebreu 7:1

Melkizedek nee liurai sidade Salém, i nia mos nai-lulik hodi serbii Nai Maromak Aas Liu. Iha loron ida, Abraão baa halo funu hasoru liurai nain haat, i nia mak manaan. Bainhira Abraão iha dalan atu fila fali ba uma, liurai Melkizedek hasoru nia hodi foo bensaun ba nia.

Ebreu 7:7

Ita hotu hatene katak, ema nebee foo bensaun nee, boot liu ema nebee simu.

1 Pedro 4:14

Bainhira ema hatete aat imi tanba imi fiar ba Kristu, imi sorti boot, tanba Espiritu naroman nabilan nian hela iha imi. Espiritu nee mak Maromak nia Espiritu.