Lucas 2:26 - Biblia Tetun Dili

²⁶ i Espiritu Santu foo hatene ona ba nia katak, nia sei haree tiha Kristu lai, mak foin nia mate. Kristu nee mak Nai Maromak promete hori uluk ona atu haruka mai.

Lucas 2:26 Iomraidhean Croise

Mateus 2:12

Liu tiha nee Maromak foo hanoin ba sira liu hosi mehi katak sira la bele fila fali ba Erodes. Entaun sira fila ba sira nia rain liu hosi dalan seluk.

Lucas 2:29

“Nai, Ita Boot kumpri ona Ita Boot nia promesa mai hau ata. Agora Ita Boot bele husik ona hau mate ho paz.

Lucas 9:27

Hau hatete loloos ba imi, hosi imi sira nee, balu sei moris too haree Maromak ukun nudar Liurai, mak foin mate.”

João 1:41

Fila ho fila Andre baa buka kedas nia maun Simão hodi dehan, “Maun! Ami hasoru ona Mesias!” (Ho sira nia lian, ‘Mesias’ nia signifikadu dehan, ‘Kristu, Ema nebee Maromak promete ona hori uluk atu haruka mai.’)

João 20:31

Maibee, buat sira nebee hau hakerek ona iha livru nee, hau hakerek para imi bele fiar dehan, Jesus mak Kristu nebee Nai Maromak promete ona atu haruka mai. Jesus mos Nai Maromak nia Oan. I bainhira imi fiar ba Nia, imi hetan moris rohan laek, tanba imi sai ona Nia ema.

João 4:29

“Mai ita baa haree took Ema ida iha nebaa. Tanba Nia foo sai momoos hau nia hahalok hotu nebee hau halo ona. Keta halo be Ema nee Kristu, nebee Maromak promete ona atu haruka mai.”

João 8:51

Hau nia Liafuan loos duni! Ema nebee rona no halo tuir Hau nia Liafuan nee, sei la mate.”

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Apostolu sira nia Istoria 17:3

hodi hatudu katak, Ema ida nebee Nai Maromak hili ona nee, sei hetan terus barak, i sei mate, depois sei moris fila fali. Nia hatete, “Ema nee mak Jesus.”

Apostolu sira nia Istoria 2:36

Nunee imi ema Israel hotu-hotu tenki hatene katak, Jesus ida nebee imi prega mate tiha iha krus nee, mak Ema ida nebee Nai Maromak hili ona. Nai Maromak mos foti ona Nia sai ita nia Nai.”

Apostolu sira nia Istoria 9:20

Nia baa kedas tama-sai ema Judeu sira nia uma kreda, hodi foo sai ba sira dehan, “Jesus nee Nai Maromak nia Oan duni.”

Ebreu 11:5

Enoke fiar ba Nai Maromak. Nee mak nia la mate, maibee Maromak foti sae nia ba lalehan. Ema buka nia mos la hetan, tanba Maromak lori tiha ona nia. Molok Nai Maromak foti sae nia, Maromak dehan katak, Enoke ema ida ke halo haksolok Maromak nia laran.