Lucas 2:14 - Biblia Tetun Dili

¹⁴ “Foti aas Nai Maromak nia naran. Nia tuur iha fatin aas liu. Nai Maromak foo dame ba ema iha mundu nebee halo haksolok Nia laran.”

Lucas 2:14 Iomraidhean Croise

Mateus 21:9

Ema balu lao uluk iha Jesus nia oin, balu lao hosi kotuk. Sira hotu haklalak hahii Maromak dehan, “Hosana, liurai David nia Jerasaun! Maromak foo bensaun ba Ida nebee mai lori Nai Maromak nia naran. Hosana, hahii Nia iha fatin aas liu!”

Lucas 1:79

hodi leno ema nebee moris iha nakukun laran ho ema nebee tauk mate, hodi lori ita ba dalan dame nian.”

Lucas 19:38

Sira haklalak ho haksolok dehan, “Nai Maromak foo bensaun ba Liurai! Nia mai hodi Nai Maromak nia naran. Agora ema dame malu ona ho Maromak iha lalehan. Hahii ba Maromak nebee ukun iha fatin aas liu!”

Lucas 2:13

Derpenti anju lubuk boot ida hosi lalehan mosu hamutuk ho anju nee. Sira hotu hahii Maromak dehan,

Lucas 2:15

Depois anju sira fila fali ba lalehan. I bibi atan sira hatete ba malu, “Mai ita baa Belém hodi haree saida mak akontese iha nebaa, tuir saida mak Nai Maromak foo hatene ona mai ita.”

Lucas 3:22

Maromak nia Espiritu Santu tuun ba Nia hanesan manu pombu ida. I lian ida mai hosi lalehan hatete, “O mak Hau nia Oan doben. O halo Hau nia laran haksolok teb-tebes.”

João 14:27

Bainhira Hau baa ona, Hau halo imi bele moris iha dame no laran hakmatek. So Hau deit mak bele foo laran hakmatek hanesan nee. Buat hotu iha mundu nee la halo imi laran hakmatek. Nunee, la bele laran taridu no tauk.

João 17:4

Hau foti aas Aman iha mundu nee, liu hosi hatudu ona Aman nia naroman-nabilan. Hau halo remata ona serbisu nebee Aman foo mai Hau.

João 3:16

Tanba Nai Maromak hadomi teb-tebes ema hotu-hotu iha mundu nee, nee mak Nia haruka Nia Oan mane mesak, para ema hotu nebee fiar ba Nia, Nai Maromak la husik sira lakon, maibee Nia foo ba sira moris rohan laek.

Apostolu sira nia Istoria 10:36

Imi hatene novidade nebee mak Nai Maromak foo sai ona ba ami ema Israel. Novidade Diak nee katak Nia haruka ona Jesus Kristu mai, hodi halo dame ema ho Nai Maromak. I Nia mak ema hotu-hotu nia Nai.

Roma 5:1

Maromak deklara ita moris loos ona tanba ita fiar ba Kristu. Liu hosi ita nia Nai Jesus Kristu mak agora ita moris dame malu ona ho Maromak.

Efezu 1:6

Mai ita hahii Nia! Tanba Nia hatudu ona Nia laran diak teb-tebes mai ita, liu hosi Nia Oan doben.

Efezu 1:9

Uluk Nai Maromak seidauk foo hatene Nia hakarak hotu ba ema. Maibee agora, Nia hatudu ona Nia planu mai ita. Nia desidi ona hori uluk atu Jesus Kristu halao planu nee.

Efezu 2:4

Maibee Maromak laran diak loos no hadomi teb-tebes ita.

Efezu 2:7

Maromak halo nunee para iha tempu oin mai, ema bele haree Nia domin ida nebee boot liu hotu-hotu, i bele hatene Nia grasa nebee Nia hatudu mai ita liu hosi Kristu Jesus.

Filipi 2:11

Hotu-hotu sei hatete, “Jesus Kristu mak Nai!” Ho nunee sira foti aas Aman Maromak nia naran.

Filipi 2:13

Tanba Nai Maromak rasik serbisu iha imi nia laran. Nia halo imi prontu hodi tuir Nia hakarak, i foo mos kbiit ba imi atu bele halo tuir.

Kolose 1:20

Liu hosi Kristu nia mate, Nai Maromak halo buat hotu-hotu dame fali ho Nia. Kristu nia raan fakar too mate iha krus, para halo buat hotu-hotu iha lalehan ho iha rai bele diak malu fali ho Maromak.

2 Tesalonika 2:16

Nai Maromak hadomi teb-tebes ita. Tan Nia grasa, Nia sempre foo ksolok ho esperansa boot mai ita iha susar laran. Nunee, ami husu ba Jesus Kristu ita nia Nai, ho ita nia Aman Maromak, para hametin imi nia laran hodi tulun imi atu sempre halo buat nebee diak i koalia mos diak.

Apokalipse 5:13

Tuir mai, hau rona tan kriatura hotu-hotu iha lalehan, iha rai, iha rai okos ho mos iha tasi laran, sira hotu hananu hamutuk dehan, “Ida nebee mak tuur iha kadeira ukun ho mos Bibi Oan, Sira nee mak ami hahii, respeita i foti aas too tinan ba tinan.”