Lucas 2:11 - Biblia Tetun Dili

¹¹ Ohin imi nia Salvador moris ona iha liurai David nia moris fatin Belém. Nia mak Kristu, imi nia Nai, Ema nebee Maromak promete ona hori uluk atu haruka mai.

Lucas 2:11 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Jenesis 49:10

O nee sei kaer ukun. O nia jerasaun sira mos sei kaer ukun tutuir malu, too iha ida mak iha direitu liu hodi tuur kaer ukun nee. I nasaun sira hotu sei hakruuk i rona ba Nia.

Mateus 1:16

Jacó nia oan mak José. José kaben ho Maria, i Maria nee mak tuur ahi oan mane ida, nia naran Jesus, nebee ema mos bolu Kristu.

Mateus 1:21

Maria sei tuur ahi oan mane ida. O tenki foo naran Jesus, tanba Nia mak sei salva Nia povu hosi sira nia sala."

Mateus 16:16

Simão Pedro hataan, “Ita Boot nee Kristu, Ida nebee Maromak promete ona hori uluk atu haruka mai. Ita Boot mak Maromak nebee Moris nia Oan.”

Mateus 16:20

Depois Jesus bandu Nia eskolanti sira para la bele hatete sai ba see-see deit katak Nia mak Kristu.

Lucas 1:43

Hau nee see, too hau nia Nai nia inan mai vizita hau?

Lucas 1:69

Maromak foti ona Ema ida hosi Nia atan David nia jerasaun. Ema nee nia kbiit boot teb-tebes hodi salva ita.

Lucas 2:26

i Espiritu Santu foo hatene ona ba nia katak, nia sei haree tiha Kristu lai, mak foin nia mate. Kristu nee mak Nai Maromak promete hori uluk ona atu haruka mai.

Lucas 2:4

Nunee mos José sai hosi Nazaré iha Galileia hodi baa rejistu iha liurai David nia moris fatin Belém iha provinsia Judeia, tanba José hosi liurai David nia jerasaun.

João 1:41

Fila ho fila Andre baa buka kedas nia maun Simão hodi dehan, “Maun! Ami hasoru ona Mesias!” (Ho sira nia lian, ‘Mesias’ nia signifikadu dehan, ‘Kristu, Ema nebee Maromak promete ona hori uluk atu haruka mai.’)

João 1:45

Depois Filipe baa buka Natanael, hodi hatete dehan, “Ami hasoru ona Ema nebee Maromak hatudu ba Moisés iha nia eskritura. Maromak nia profeta sira iha tempu uluk mos hakerek ona kona ba Ema nee. Nia naran Jesus, hosi aldeia Nazaré. Nia aman naran José.”

João 11:27

Marta hataan, “Loos! Hau fiar katak Nai mak Kristu, Ema nebee Nai Maromak hatudu kedas hori uluk. I Ita Boot, Nai Maromak nia Oan, nebee Nia promete ona atu haruka mai iha mundu nee.”

João 20:31

Maibee, buat sira nebee hau hakerek ona iha livru nee, hau hakerek para imi bele fiar dehan, Jesus mak Kristu nebee Nai Maromak promete ona atu haruka mai. Jesus mos Nai Maromak nia Oan. I bainhira imi fiar ba Nia, imi hetan moris rohan laek, tanba imi sai ona Nia ema.

João 4:25

Feto nee dehan tan, “Hau hatene ona Mesias atu mai, nebee ema bolu Nia dehan ‘Kristu’. Nia nee mak Nai Maromak promete ona atu haruka mai. Bainhira Nia mai, Nia sei foo sai buat hotu-hotu ba ita.”

João 4:42

I sira foo hatene ba feto nee dehan, “Horiseik, ami rona o koalia deit. Maibee agora ami fiar ba Nia, tanba ami rasik rona hosi Nia. Ami hatene duni dehan, Ema nee mak salva ita ema sala nain hotu iha mundu nee.”

João 6:69

I ami fiar ba Ita Boot. Tanba ami hatene ona dehan, Ita Boot mak Ema Santu hosi Nai Maromak.”

João 7:41

Iha balu tan dehan, “Lae! Nia nee, Kristu, nebee Maromak hatudu kedas hori uluk ona.” Maibee iha ema balu tan protesta dehan, “Mak lae duni! Tanba Kristu nee, laos ema Galileia. Loos, ka lae?

Apostolu sira nia Istoria 10:36

Imi hatene novidade nebee mak Nai Maromak foo sai ona ba ami ema Israel. Novidade Diak nee katak Nia haruka ona Jesus Kristu mai, hodi halo dame ema ho Nai Maromak. I Nia mak ema hotu-hotu nia Nai.

Apostolu sira nia Istoria 13:23

Maromak promete atu haruka David nia jerasaun ida mai, hodi salva povu Israel. Salvador nee mak Jesus.”

Apostolu sira nia Istoria 17:3

hodi hatudu katak, Ema ida nebee Nai Maromak hili ona nee, sei hetan terus barak, i sei mate, depois sei moris fila fali. Nia hatete, “Ema nee mak Jesus.”

Apostolu sira nia Istoria 2:36

Nunee imi ema Israel hotu-hotu tenki hatene katak, Jesus ida nebee imi prega mate tiha iha krus nee, mak Ema ida nebee Nai Maromak hili ona. Nai Maromak mos foti ona Nia sai ita nia Nai.”

Apostolu sira nia Istoria 5:31

Agora Nai Maromak foti Jesus tuur iha Nia liman loos hodi kaer ukun hanesan Liurai i Salvador. Nia foo tempu ba povu Israel para bele husik ona sira nia sala, atu sira bele hetan perdaun hosi Nai Maromak.

1 Korintu 15:47

Adão ida primeiru hosi rai rahun, Adão ida segundu hosi lalehan.

Filipi 2:11

Hotu-hotu sei hatete, “Jesus Kristu mak Nai!” Ho nunee sira foti aas Aman Maromak nia naran.

Filipi 3:8

Ida nebee hau konsidera folin boot liu mak nee: Hau bele konhese Kristu Jesus hau nia Nai. Buat sira seluk, hau husik tiha ona, i konsidera hanesan lixu deit, para hau bele besik liu Kristu,

Kolose 2:6

Imi simu ona Kristu Jesus hanesan imi nia Nai. Tanba nee, imi mos tenki moris laran ida ho Nia nafatin.

1 João 4:14

Ami rasik haree ona Maromak nia Oan, i ami foo sasin katak, Nai Maromak haruka Nia Oan mai para salva ema iha mundu nee.

1 João 5:1

Ema see deit mak fiar katak Jesus mak Kristu, ema nee Nai Maromak nia oan. Se ita hadomi ema ida nebee sai hanesan aman, ita mos hadomi ema nee nia oan.