Lucas 2:10 - Biblia Tetun Dili

¹⁰ Maibee anju hatete ba sira, “La bele tauk! Hau mai hatoo novidade diak ida ba imi. Novidade diak nee sei halo ema hotu-hotu haksolok boot.

Lucas 2:10 Iomraidhean Croise

Jenesis 12:3

Hau sei foo bensaun ba ema nebee foo bensaun ba o. Maibee Hau sei foo malisan ba ema nebee foo malisan ba o. Rona didiak mai! Nasaun hotu-hotu iha mundu sei hetan bensaun liu hosi o.”

Mateus 14:27

Maibee Jesus hataan kedas, “Hakmatek baa! Hau mak nee. La bele tauk!”

Mateus 28:18

Entaun Jesus baa besik sira hodi dehan, “Maromak foo tiha ona kbiit tomak mai Hau hodi ukun buat hotu-hotu iha lalehan ho rai.

Mateus 28:5

Depois anju hatete ba senhora nain rua nee dehan, “La bele tauk. Hau hatene imi buka hela Jesus, Ida nebee ema prega tiha ona ba krus nee.

Marcos 1:15

Iha nebaa Nia hatete dehan, “Rona mai! Agora tempu too ona. Ema hotu-hotu bele hatene katak Maromak nia reinu mai ona. Tanba nee, imi tenki husik ona imi nia sala, no fiar ba Nia Novidade Diak.”

Marcos 16:15

Nee duni, imi tenki baa iha mundu tomak, i foo sai Hau nia Novidade Diak nee ba ema hotu-hotu.

Lucas 1:13

Maibee anju nee hatete, “Zacarias, la bele tauk! Tanba Nai Maromak rona ona o nia orasaun. O nia feen Isabel sei tuur ahi, oan mane ida. O tenki tau nia naran João.

Lucas 1:19

Anju hataan, “Hau Gabriel. Hau sempre serbii iha Nai Maromak nia futar oin. I Nia rasik mak haruka hau mai hatoo novidade diak nee ba o.

Lucas 1:30

Maibee anju hatutan tan dehan, “Maria, keta tauk! Tanba Nai Maromak hatudu nia grasa ba o.

Lucas 2:11

Ohin imi nia Salvador moris ona iha liurai David nia moris fatin Belém. Nia mak Kristu, imi nia Nai, Ema nebee Maromak promete ona hori uluk atu haruka mai.

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

Lucas 8:1

Hotu tiha, Jesus lao hosi sidade ba sidade ho aldeia ba aldeia hodi foo sai Novidade Diak kona ba Nai Maromak ukun nudar Liurai. Nia eskolanti nain sanulu resin rua akompanha Nia.

Apostolu sira nia Istoria 13:32

Paulo hatutan nia koalia dehan, “Ami nain rua lori Novidade Diak nee foo ba imi katak, buat nebee mak Maromak promete ona ba ita nia bei-ala sira, agora kumpri ona.

Roma 10:15

I oinsaa mak ema bele baa foo sai ba sira kona ba Nia, se la iha ema ida mak haruka? Iha Livru Sagradu hakerek dehan, “Ema nebee lori Novidade Diak sira mai nee furak teb-tebes.”

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.