Lucas 19:8 - Biblia Tetun Dili

⁸ Bainhira iha uma ona, Zaqueu hamriik hodi dehan ba Nai Jesus, “Nai, agora kedas rikusoin hotu nebee hau iha, sorin balu hau foo ba ema kiak sira. I se hau han-matak ema ruma, hau selu fali sira dala haat.”

Lucas 19:8 Iomraidhean Croise

Lucas 11:41

Dukee imi hamoos deit bikan nia liur, diak liu foo buat nebee imi iha ba ema kiak sira. Se imi halo nunee mak imi sai moos iha Nai Maromak nia futar oin.

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 16:9

Nunee, Hau hatete ba imi, maski ema mundu manobra uza sira nia osan, diak liu imi uza rikusoin mundu nian hodi ajuda ema. Ho nunee, imi bele hetan belun barak, i bainhira riku nee hotu ona, Maromak sei prepara fatin ba imi iha lalehan.

Lucas 19:7

Ema hotu-hotu nebee haree nunee, murmura dehan, “Nia nee ema moris iha sala. Nusaa mak Jesus baa vizita fali iha nia uma?”

Lucas 7:13

Bainhira Nai Jesus haree feto faluk nee, Nia hanoin teb-tebes hodi hatete ba nia, “Keta tanis.”

Lucas 7:19

baa hasoru Nai Jesus hodi husu, “Ita Boot mak Ema ida nebee Maromak promete atu haruka mai ka ami tenki hein ema seluk?”