Lucas 19:47 - Biblia Tetun Dili

⁴⁷ Loro-loron Jesus baa hanorin iha Uma Kreda Boot. Maibee nai lulik nia ulun sira, mestri relijiaun sira, ho nai ulun Judeu sira buka dalan atu oho Nia.

Lucas 19:47 Iomraidhean Croise

Mateus 21:23

Depois Jesus tama iha area uma kreda boot hodi hanorin iha nebaa. Nia sei hanorin hela, nai lulik nia ulun sira ho lider katuas judeu sira mai husu ba Jesus, “O iha kbiit saida para halo buat sira nee? See mak foo kbiit nee ba O?”

Mateus 26:55

Depois Jesus hatete ba ema barak nee dehan, “Nusaa mak imi mai lori surik ho ai dona atu kaer Hau? Imi hanoin Hau ema aat ka? Afinal loro-loron Hau hanorin hela iha uma kreda laran, i imi la kaer Hau.

Marcos 11:18

Bainhira mestri relijiaun ho nai-lulik nia ulun sira rona katak Jesus halo hanesan nee, sira hirus teb-tebes. Nunee sira mos buka dalan hodi bele oho Nia. Maibee sira la brani, tanba ema barak mak sei gosta rona Nia liafuan.

Marcos 12:12

Rona nunee, ema boot sira komprende ona katak, Jesus koalia kona ba sira liu hosi komparasaun. Sira hanesan ho ema sira aluga toos nee. Tanba nee, sira buka dalan hodi kaer Nia. Maibee sira la brani, tanba ema barak mak gosta rona Jesus nia hanorin. Nunee sira baa ona, husik hela Nia.

Marcos 14:1

Nee liu tiha, nai lulik Judeu nia xefi sira ho mestri relijiaun sira buka tempu diak hodi kaer subar Jesus para oho Nia. Maibee sira dehan, “Hein lai. Ita la bele kaer lai Nia, tanba loron boot besik ona. Keta halo be ema barak halo rungu-ranga.” Sira koalia nunee, tanba loron rua tan, ema Judeu sira nia loron boot, ida nebee sira bolu loron ‘Paskua’, ho ‘Festa Paun la Tau Fermentu’. Iha loron festa nee, sira hanoin fali tempu uluk, nebee sira nia bei-ala sira sai hosi Rai Ejiptu.

Marcos 14:49

Loro-loron Hau hanorin hela imi iha Nai Maromak nia Uma Kreda Boot laran, maibee la iha ema ida atu kaer Hau. Agora, mai kaer Hau ona baa! Tanba nee, hakerek tiha ona iha Eskritura Sagrada.”

Lucas 19:48

Maibee sira la hetan dalan, tanba povu hotu gosta teb-tebes rona Jesus nia liafuan.

Lucas 20:19

Depois, mestri relijiaun ho nai lulik nia xefi sira rona komparasaun nee, sira hatene katak Jesus halo komparasaun nee kona ba sira. Nunee, sira buka dalan atu kaer kedas Nia. Maibee sira tauk ema barak iha nebaa.

João 10:39

Sira koko fali atu kaer Nia, maibee la iha ema ida mak liman kona Nia.

João 18:20

Jesus hataan, “Hau koalia momoos para ema hotu bele rona. Hau sempre hanorin iha fatin nebee ita ema Judeu sira hodi halibur, mak ita nia uma kreda sira, no iha Uma Kreda Boot. Hau nunka koalia subar buat ida.

João 7:19

Moisés foo ona Maromak nia Lei sira ba imi. Maibee imi la halo tuir. Entaun tanba saa imi buka dalan hodi hakarak oho Hau?”

João 7:44

Iha ema balu hakarak kaer Jesus, maibee la iha ema ida mak liman kona Nia.