Lucas 19:3 - Biblia Tetun Dili

³ Zaqueu hakaas aan atu haree Jesus, maibee la hetan, tanba ema barak teb-tebes, i nia ema badak oan ida.

Lucas 19:3 Iomraidhean Croise

Marcos 15:40

Iha mos feto barak mak haree Jesus nia mate hosi dook deit. Sira mos tuir Jesus. Uluk sira serbii Jesus iha Galileia, depois sira mai iha Jerusalém hamutuk ho Nia. Entre feto sira nee, iha Salome, Maria hosi rai Madala, ho Maria ida tan (Tiago kiik ho José sira nia inan).

Lucas 12:25

Se imi preokupa kona ba imi nia moris, nee bele aumenta imi nia tinan ka? Atu aumenta ita nia moris ituan deit mos lae.

Lucas 19:2

Iha nebaa iha ema ida naran Zaqueu. Nia xefi kobrador impostu i nia em riku ida.

Lucas 19:4

Entaun nia halai uluk tiha ema barak nee hodi baa sae ai huun ida iha dalan ninin atu bele haree Jesus, tanba Jesus atu liu hosi nebaa.

Lucas 23:8

Bainhira Erodes haree Jesus, nia kontenti teb-tebes, tanba kleur ona nia hakarak atu hasoru Nia. Erodes rona ona buat barak kona ba Jesus, i hakarak atu haree Nia halo milagre ruma.

João 12:21

I sira baa koalia ho Filipe, hosi aldeia Betsaida iha provinsia Galileia. Sira husu dehan, “Senhor, ami hakarak hasoru Jesus.”