Lucas 19:12 - Biblia Tetun Dili

¹² Nia konta nunee: “Iha ema ida jerasuan liurai baa rai dook para foti nia sai liurai, depois mak nia fila fali mai ukun iha nia rain rasik.

Lucas 19:12 Iomraidhean Croise

Mateus 21:38

Maibee bainhira ema nebee aluga toos nee haree toos nain nia oan, sira dehan ba malu, ‘Nia mak sei hetan nia aman nia rikusoin hotu. Diak liu ita oho tiha nia, atu toos nee sai fali ita nia rikusoin.’

Mateus 28:18

Entaun Jesus baa besik sira hodi dehan, “Maromak foo tiha ona kbiit tomak mai Hau hodi ukun buat hotu-hotu iha lalehan ho rai.

Marcos 12:1

Tuir mai, Jesus koalia tan ho nai-lulik nia ulun, ho mestri relijiaun, ho nai ulun sira. Nia dehan, “Hau konta istoria ida nunee: Iha loron ida, iha ema ida baa lere nia rai hodi kuda ai uvas. I nia halo lutu haleu, no halo tanki ida hodi sama uvas fuan para hasai nia been. I nia halo mos uma oan ida hodi hein. Depois nia foo toos nee ba ema aluga. Sira promete atu fahe uvas been ho toos nain. Depois toos nain nee baa tiha nasaun seluk.

Marcos 16:19

Jesus koalia tiha hotu, Nai Maromak hasae Nia ba lalehan. Nia tuur iha Nai Maromak nia liman kuana para Sira nain rua ukun hamutuk.

Lucas 20:9

Depois Jesus hanorin ema barak iha nebaa ho komparasaun ida nunee: “Iha toos nain ida kuda uvas iha nia toos. Kuda hotu tiha, nia foo ba ema aluga, depois nia baa hela kleur iha rai liur.

Lucas 24:51

Nia foo dadauk bensaun ba sira, i Nia sae ba lalehan, husik hela sira.

João 18:37

Governador husu fali, “Entaun, o Liurai, ka?” Jesus hataan, “Senhor rasik mak dehan Hau Liurai. Loloos nee, Hau moris para sai Liurai. Hau mai iha mundu nee para sai Liurai, hodi foo hatene kona ba buat nebee loos. Ema hotu nebee kaer metin lia loos, sira rona Hau.”

Apostolu sira nia Istoria 17:31

Nia marka ona loron ida, hodi halo justisa ba ema hotu-hotu iha mundu tomak. I Nia hili ona Ema ida sai Juis, hodi tesi lia loloos. Ita hatene katak Juis nee mak Jesus. Tanba Nia mate tiha ona, maibee Nai Maromak halo Nia moris fali.”

1 Korintu 15:25

Tanba Kristu tenki ukun nafatin too Nia hamonu Nia inimigu sira iha Nia ain okos.

Ebreu 9:28

Kristu mos mate dala ida deit, hanesan sakrifisiu hodi hamoos ema barak nia sala. I Nia sei fila fali mai, laos atu kasu ita ema nia sala tan, maibee atu salva ema sira nebee mak hein hela Nia ho laran metin.

1 Pedro 3:22

Agora Nia sae tiha ona ba lalehan tuur iha Nai Maromak nia sorin loos. I anju sira ho autoridade sira nebee kaer ukun, hotu-hotu hakruuk ba Nia.

Apokalipse 1:7

Haree baa! Jesus sei tuun mai hosi lalehan iha kalohan laran, i ema hotu-hotu sei haree Nia, too ema nebee uluk sona Nia, sira mos sei haree. Ema hosi nasaun hotu-hotu iha mundu nee sei tanis halerik tanba Nia. Loos duni, buat nee sei sai nunee duni. Amen.