Lucas 18:7 - Biblia Tetun Dili

⁷ Too ikus, nia tulun duni feto faluk nee. Saa tan Nai Maromak! Ema nebee Maromak hili ona, sira loron-kalan harohan husu tulun ba Nia. Nia sei tesi sira nia lia ho loloos, i sei la demora.

Lucas 18:7 Iomraidhean Croise

Mateus 24:22

Se Maromak la habadak tempu terus nee, la iha tan ema ida mak moris. Maibee Nai Maromak hadomi ema sira nebee Nia hili tiha ona nee, maka Nia sei habadak tempu terus nee.

Mateus 24:24

Tanba ema sei mai bosok imi dehan sira mak Kristu ka sira Maromak nia profeta. Sira sei hatudu sinal oi-oin no milagre sira nebee halo ema admira. Nunee sira bele lohi ema barak para lao sala dalan. Too ema nebee Maromak hili ona mos sira hakarak bosok hotu.

Mateus 7:11

Maski imi ema aat, maibee imi hatene foo buat diak ba imi nia oan sira. Saa tan imi nia Aman iha lalehan! Bainhira imi husu, Nia sei foo buat diak teb-tebes ba imi.”

Lucas 11:13

Maski imi ema aat, maibee imi hatene foo buat diak ba imi nia oan sira. Saa tan imi nia Aman iha lalehan! Se imi husu para Nia foo Nia Espiritu Santu ba imi, Nia sei foo duni.”

Lucas 21:28

Bainhira sinal sira nee hahuu akontese, hamriik metin no fotin oin ho laran haksolok baa, tanba imi nia Salvador besik mai ona.”

Roma 8:33

Se Maromak mak hili ita, see mak brani foo sala mai ita iha Maromak nia futar oin? Maromak mak deklara katak ita moris loos ona.

Kolose 3:12

Nai Maromak hadomi teb-tebes imi i hili ona imi sai Nia povu hodi entrega imi nia moris tomak ba Nia. Nee duni imi tenki sai ema nebee laran diak, ajuda ema iha susar nia laran, haraik aan, laran maus, no pasiensia.

1 Tesalonika 3:10

Loron-kalan ami halo orasaun ba Nai Maromak ho fuan-laran tomak, para ami bele hasoru fali imi, hodi hanorin buat nebee mak imi sei presiza para bele fiar metin liu tan.

2 Tesalonika 1:6

La bele tauk, Maromak sempre tesi lia ho loos. Loron ida Nia sei halo terus fali ema nebee halo terus imi.

2 Timóteo 1:3

Loron-kalan hau halo orasaun ba o, hodi agradese ba Nai Maromak. Hau serbii Nia ho laran moos, hanesan mos hau nia bei-ala sira.

2 Timóteo 2:10

Tanba nee hau prontu simu terus hotu-hotu, para ema sira nebee Maromak hili ona bele fiar ba Kristu Jesus i hetan salvasaun. I Nai Maromak sei foti aas sira too tinan ba tinan.

Tito 1:1

Tito mak hau hadomi. Surat nee hosi hau, Paulo, Nai Maromak nia atan ho Jesus Kristu nia apostolu. Nai Maromak haruka hau tau matan ba ema sira nebee Nia hili ona hodi sai Nia povu, para sira bele fiar metin liu tan ba Nia. Maromak mos haruka hau hanorin lia loos ba sira atu sira hatene moris tuir Nia hakarak.

1 Pedro 1:1

Surat nee hosi hau, Pedro, nudar Jesus Kristu nia apostolu. Hau hakerek surat nee ba imi hotu nebee mak Nai Maromak hili tiha ona. Imi ema lao rai, namkari iha fatin-fatin iha rai Pontus, Galasia, Kapadósia, Azia kiik ho mos Bitínia. Hori uluk kedas Aman Maromak hili tiha ona imi para sai Nia ema. Maromak nia Espiritu halo imi sai ema nebee moris loos atu imi moris tuir Jesus Kristu nia hakarak i simu raan nebee Jesus fakar ba imi hodi hamoos imi nia sala. Hau harohan para loron ba loron Nai Maromak hatudu Nia laran diak ba imi, i foo paz ho hakmatek ida ke boot teb-tebes ba imi.

2 Pedro 3:9

Entaun, se ita nia Nai seidauk kumpri Nia promesa, nee laos dehan Nia la halo tuir, maski ema balu hanoin nunee. Maibee tuir loloos Nia sei pasiensia ho imi. Nia hakarak atu ema hotu-hotu hakribit sira nia sala, tanba Nia lakohi atu ema ida mate tinan ba tinan.

Apokalipse 18:20

Depois hau rona lian ida dehan, “Imi nebee moris iha lalehan, haksolok baa! Maromak nia povu, Nai Jesus nia apostolu sira ho profeta sira, haksolok baa! Tanba Maromak kastigu ona sidade nee, tuir saida mak nia uluk halo ba imi.”

Apokalipse 6:10

Sira koalia ho lian makaas dehan, “Nai Maromak kbiit nain, Ita Boot mak santu i loos. Bainhira loos mak Ita Boot tesi lia ba ema iha mundu hodi kastigu ema sira nebee uluk oho ami?”

Apokalipse 7:15

Tanba nee sira hamriik iha Nai Maromak nia kadeira ukun nia oin hodi serbii Nia loron-kalan iha Nia Uma Kreda Boot. I Nia nebee tuur iha kadeira ukun nee sei hamahon sira.