Lucas 18:43 - Biblia Tetun Dili

⁴³ I ema nee nia matan haree kedas. Depois nia lao tuir Jesus, hahii dadaun Nai Maromak. Ema hotu-hotu nebee haree buat nee, sira mos hahii Maromak.

Lucas 18:43 Iomraidhean Croise

Mateus 11:5

Ema matan delek bele haree. Ema lao la diak bele lao. Ema moras lepra, isin sai moos. Ema tilun diuk bele rona. Ema mate bele moris fali. Ema kiak rona Novidade Diak.

Mateus 21:14

Hotu tiha, ema matan delek ho ema ain kudeik sira mai hasoru Jesus iha area uma kreda boot nee, i Nia kura sira hotu.

Mateus 9:8

Ema barak haree buat nebee Jesus halo nee. Sira hakfodak no tauk, i sira hahii Maromak tanba Nia foo tiha ona kbiit hanesan nee ba ema.

Lucas 13:17

Rona nunee, Jesus nia inimigu sira moe loos. Maibee povu kontenti teb-tebes tanba Nia halo buat didiak deit.

Lucas 19:37

Bainhira sira besik ona Jerusalem atu tuun hosi foho Oliveira, ema barak no Nia eskolante sira nebee tuir Nia nee komesa hahii Nai Maromak, tanba milagre hotu-hotu nebee sira haree ona.

Lucas 4:39

Entaun Jesus baa hamriik iha ferik nee nia sorin hodi haruka isin manas sai. Derepenti nia moras nee lakon, i nia hadeer kedas hodi serbii sira.

Lucas 5:26

Ema hotu-hotu hakfodak i admira teb-tebes. Sira foti aas Nai Maromak nia naran hodi dehan, “Buat nebee ohin ami haree nee, milagre boot ida!”

Apostolu sira nia Istoria 11:18

Rona Pedro defende aan nunee, sira la foo tan sala ba nia. Sira komesa hahii Nai Maromak dehan, “Afinal Nai Maromak loke ona dalan ba ema nebee laos Judeu, atu sira bele husik sira nia sala, i tuir Nai Maromak nia hakarak, hodi moris nafatin ho Nia.”

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

Apostolu sira nia Istoria 4:21

Depois xefi relijiaun sira ameasa tan sira nain rua nee, i haruka sai. Tanba sira la iha razaun ida hodi kastigu Pedro ho João, i sira mos tauk povu, tan ema hotu-hotu agradese hela ba Maromak, ba milagre nee.

Galasia 1:24

I sira hahii Nai Maromak, tanba Maromak muda ona hau nia moris.

1 Pedro 2:9

Maibee imi laos nunee. Imi Nai Maromak hili tiha ona hodi sai Nia povu. Imi hanesan nai-lulik nebee mak serbii liurai. Imi hanesan nasaun ida nebee moris loos. Imi Maromak nia povu. Maromak hili imi nunee para imi bele konta sai buat diak nebee mak Maromak halo tiha ona ba imi. Tanba Nia mak bolu imi sai hosi nakukun hodi tama ba iha Nia naroman ida nebee furak teb-tebes.