Lucas 18:32 - Biblia Tetun Dili

³² Ema sei entrega Hau ba ema nebee laos Judeu. I ema sira nee sei hamoe Hau, tarata Hau, tafui kabeen mai Hau,

Lucas 18:32 Iomraidhean Croise

Mateus 16:21

Komesa hosi loron nee, Jesus hatete sai ba Nia eskolanti sira katak, Nia tenki baa iha Jerusalém i tenki simu terus oi-oin. Nai ulun Judeu sira, nai-lulik nia ulun sira ho mestri relijiaun sira sei halo terus Nia. Ema sei oho tiha Nia, maibee iha loron tolu, Nia sei moris fila fali.

Mateus 20:19

Sira sei entrega Hau ba iha ema nebee la konhese Maromak. I ema sira nee sei tarata Hau, baku Hau ho sikoti, i prega Hau iha krus. Maibee iha loron tolu Hau sei moris fali hosi mate.”

Mateus 22:6

I konvidadu sira seluk kaer tiha atan sira nee hodi halo terus sira i oho tiha sira.

Mateus 26:67

Depois sira tafui kabeen ba Jesus nia oin i baku Nia. I ema balu tan basa Nia

Mateus 27:2

Depois sira futu Nia, i lori Nia ba entrega iha governador Pilatus.

Marcos 14:65

Depois ema balu tafui kabeen ba Jesus. Sira taka tiha Nia matan, i tuku Nia hodi husu, “Se O Nai nia profeta duni, O siik took. See mak tuku O nee?” Depois sira foo orden ba ema seguransa sira hosi Uma Kreda Boot atu mai lori Jesus. I ema seguransa sira mos baku Nia.

Marcos 15:1

Dadeer-san rai-huun mutin, ema hotu iha tribunal nee, kombina atu oho Jesus. Depois sira kesi tiha Jesus, i lori ba governador Pilatus.

Lucas 18:33

baku Hau ho sikoti, i oho Hau. Maibee iha loron tolu Hau sei moris fali.”

Lucas 23:1

Hotu tiha, ema Judeu nia ulun boot sira hotu hamriik hodi lori Jesus ba governador Pilatus.

Lucas 23:11

Depois liurai Erodes ho nia soldadu sira komesa hamoe Jesus i goza Nia. Sira foo hatais Nia ho ropa nabilan ida nebee baibain liurai sira mak hatais, depois haruka Nia fila ba governador Pilatus.

Lucas 23:35

Ema barak hamriik hela hodi haree. I ema Judeu nia boot sira tarata Jesus dehan, “Nia salva ona ema seluk. Se Nia mak Kristu duni, Ida nebee Nai Maromak hili, entaun tuir loloos agora Nia salva Nia Aan rasik.”

João 18:22

Bainhira Jesus koalia nunee, ema seguransa ida nebee hamriik iha nebaa basa Nia, no dehan, “O la bele koalia nunee ba nain ulun boot!”

João 18:28

Iha dadeer-saan nakukun sira lori Jesus hosi Kaifas nia uma ba governador nia palasiu iha tropas Roma sira nia kuartel prinsipal. Ema Judeu sira rasik la tama baa iha ema Roma sira nia kuartel, para sira la bele sai foer tuir sira nia kostumi relijiaun, tanba sira atu baa haan iha festa Paskua.

João 18:30

Sira hataan, “Senhor, se Nia laos ema aat ida, ami la lori nia mai iha nee. Saa tan entrega Nia ba ita nia liman.”

João 18:32

(Bainhira sira koalia nunee, saida mak Jesus koalia uluk ona nee, sai nunee duni. Nia hatete tiha ona ba Nia ema sira dehan, Nia sei mate tuir estadu Roma nia maneira, sira hedi Nia iha ai krus.)

João 18:35

Governador hataan, “He! Hau laos ema Judeu! O nia ema rasik no mos nai lulik nia xefi sira mak entrega O mai hau. O halo saida? Hatete mai!”

Apostolu sira nia Istoria 2:23

Maibee imi oho tiha Nia; imi tau lia ba ema aat sira hodi prega Nia ba krus too mate. Nee tenki sai nunee duni, hodi kumpri Nai Maromak nia planu hori uluk kedas.

Apostolu sira nia Istoria 3:13

Lae! Ita nia bei-ala Abraão, Isac ho Jacó́, ho ita nia bei-ala sira hotu, adora Nai Maromak. Nia nee mak kura ema nee hodi foti aas Jesus, ida nebee sempre tuir Maromak nia hakarak. Jesus nee uluk imi entrega tiha ba governador Pilatus. Tuir loloos governador atu hasai Nia, maibee imi mak lakohi.