Lucas 18:30 - Biblia Tetun Dili

³⁰ nia sei simu barak liu fali buat nebee mak nia husik iha moris nee. I bainhira nia husik mundu nee, nia sei hetan moris rohan-laek.”

Lucas 18:30 Iomraidhean Croise

Mateus 12:32

Nunee mos ema nebee mak koalia kontra Hau, Ema Oan, nia sei hetan perdaun. Maibee see mak koalia kontra Espiritu Santu, Maromak la foo perdaun ba nia too tinan ba tinan.”

Mateus 4:24

Buat nebee Jesus halo, ema konta iha nebee ba nebee too iha provinsia Síria tomak. Ema barak mai lori sira nia maluk nebee iha moras oi-oin, balu espiritu aat tama iha laran, balu moras bibi maten, liman-ain mate ho moras selu-seluk tan. I Jesus kura tiha moras sira nee hotu.

1 Timóteo 4:8

Ema dehan, treinu halo isin forti iha valór, maski laduun. Maibee treinu aan para moris tuir Maromak nia hakarak iha valór boot liu, tanba ajuda ema moris agora iha mundu nee, ho mos iha moris nebee sei mai.

1 Timóteo 6:6

Loos duni, se ita moris halo haksolok Maromak nia laran, i ita kontenti ho buat nebee mak ita iha, nee mak ita nia rikusoin.

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.

Apokalipse 2:17

Imi nebee iha tilun, rona didiak saida mak Maromak nia Espiritu hatete ba sarani sira. See mak manaan, Hau sei foo ai haan manaa. Ai haan nee agora sei subar hela. Hau mos sei foo fatuk mutin ba sira ida-idak. Iha fatuk nee hakerek naran foun, naran nee ema ida sei la hatene, so ema nebee simu fatuk nee deit mak hatene.’ ”

Apokalipse 3:21

See mak manaan, Hau sei foo direitu ba nia para tuur ukun hamutuk ho Hau, hanesan mos Hau manaan tiha ona, i agora Hau tuur ukun hamutuk ho Hau nia Aman.