Lucas 18:13 - Biblia Tetun Dili

¹³ Maibee kobrador impostu nee hamriik hosi dook, i la brani foti matan ba leten. Nia hakruuk i baku nia hirus matan, ho laran tristi teb-tebes tanba nia halo ona sala. I nia harohan dehan, ‘Maromak, hau ema sala nain. Hadomi hau baa.’

Lucas 18:13 Iomraidhean Croise

Mateus 10:3

Filipe ho Bartolomeu, Tomé ho Mateus, Mateus nee kobrador impostu, Tiago, Alfeu nia oan ho Tadeu,

Mateus 6:5

“Bainhira imi halo orasaun, la bele halo orasaun hanesan ema laran makerek nebee buka oin. Sira gosta hamriik halo orasaun iha uma kreda laran no mos iha estrada boot atu ema haree. Hau dehan loloos ba imi, sira simu hotu ona sira nia kolen.

Mateus 9:13

Baa aprende didiak Maromak nia Liafuan nebee dehan, ‘Hau hakarak atu imi hatudu laran diak ba malu. Se lae imi lori sakrifisiu foo mai Hau mos la iha folin.’ Hau mai atu bolu ema sala nain sira, laos atu bolu ema nebee konsidera nia aan moris loos.”

Marcos 11:25

Maibee se imi harohan, i imi hirus hela ema ruma, imi tenki baa diak malu tiha lai ho ema nee. Nunee foin Nai Maromak iha lalehan mos diak ho imi, i sei hamoos imi nia sala.

Lucas 17:12

Bainhira Nia tama ba aldeia ida, mane nain sanulu moras lepra mai hasoru Nia. Sira hamriik hosi dook deit

Lucas 22:41

Depois Jesus hadook aan ituan hosi sira, i Nia hakneak hodi halo orasaun, dehan,

Lucas 23:48

Ema hotu nebee ohin mai asisti nee, sira haree saida mak akontese, i sira fila ba uma ho laran tristi teb-tebes.

Lucas 5:8

Bainhira sira haree saida mak akontese, Simão Pedro ho nia kolega sira iha bero laran nee admira teb-tebes. Nia maluk peskador Tiago ho João, Zebedeu nia oan, mos admira. Entaun Simão baa hakneak kedas iha Jesus nia ain hodi dehan, “Nai, Ita Boot keta besik hau, tanba hau ema sala nain.” Maibee Jesus hataan, “Lalika tauk. Imi baibain buka ikan. Maibee komesa agora ba oin imi sei buka fali ema para tuir Hau.”

Apostolu sira nia Istoria 2:37

Rona nunee, halo sira nia laran susar. I sira husu ba Pedro ho Jesus nia apostolu sira seluk dehan, “Entaun, irmaun sira! Ami tenki halo saida?”

Roma 5:8

Maibee Maromak hatudu Nia domin boot mai ita liu hosi Kristu mate iha ita nia fatin, bainhira ita sei moris hela iha sala nia laran.

2 Korintu 7:11

Haree baa! Imi nia laran tristi tuir Maromak nia hakarak nee lori imi ba buat nebee diak. Agora imi foo aan atu moris loos, imi hakaas aan halo morin imi nia naran, imi hakribit hahalok aat, i tauk atu halo sala. Imi hakarak teb-tebes atu haree hau, i imi mos hakarak teb-tebes atu ema nebee halo sala tenki hetan kastigu. Iha buat sira nee hotu imi hatudu katak imi halo buat nebee loos.

1 Timóteo 1:15

Ita rona ona dehan, “Kristu Jesus mai iha mundu nee hodi salva ema sala nain.” Liafuan nee loos duni; ita tenki simu ho laran tomak. Hosi ema sala nain hotu-hotu, hau mak aat liu.

Ebreu 4:16

Entaun mai ita brani hakbesik aan ba Nai Maromak. Nia mak ukun buat hotu-hotu, i Nia sempre hatudu Nia grasa mai ita. Se ita hakbesik aan ba Nia, Nia sei hatudu domin mai ita hodi tulun ita iha tempu susar nia laran.

Ebreu 8:12

Hau sei hamoos sira nia sala hotu, i sei la hanoin tan sira nia hahalok aat sira.”