Lucas 18:1 - Biblia Tetun Dili

¹ Depois Jesus halo komparasaun ida ba Nia eskolanti sira hodi hanorin para sira tenki halo orasaun nafatin i la bele lakon esperansa.

Lucas 18:1 Iomraidhean Croise

Jonas 2:7

Bainhira hau senti iis atu kotu ona, i hau nia moris atu lakon ona, hau hanoin ba NAI, no hau nia harohan husu tulun, too iha Aman Maromak nia uma kreda santu.

Lucas 11:10

Tanba see mak husu bebeik ba Nai Maromak, nia sei simu. See mak buka bebeik, nia sei hetan. See mak tuku bebeik odamatan, Maromak sei loke ba nia.

Lucas 21:36

Nee duni, matan moris neon nain nafatin. Halo orasaun bebeik atu imi bele liu hosi susar nee ho diak. Nunee too ikus imi sei la tauk hamriik metin iha Ema Oan nia oin.”

Roma 12:12

Imi tenki haksolok tanba imi laran metin ba Maromak. Aguenta ho pasiensia iha terus laran. Halo orasaun bebeik.

2 Korintu 4:1

Maromak hatudu ona Nia domin mai ami hodi haruka ami halao Nia serbisu nee. Tanba nee ami la hakiduk.

Galasia 6:9

Nee duni la bele baruk halo buat nebee diak. Tanba too iha nia loron, ita sei simu rezultadu diak, naran katak ita halo diak nafatin.

Efezu 6:18

Halo orasaun loron-kalan ho Espiritu Santu nia tulun. Iha situasaun saida deit, husu Maromak nia tulun. Matan moris neon nain nafatin, husu Maromak nia tulun, i sempre halo orasaun ba Maromak nia povu hotu-hotu.

Filipi 4:6

La bele preokupa kona ba saida deit. Maibee iha situasaun saida deit, halo orasaun husu Nai Maromak nia tulun. I bainhira imi husu, keta haluha foo agradese ba Nia.

Kolose 4:12

Kumprimentus mos hosi Epafras. Nia rai ida ho imi i serbii Kristu Jesus. Nia sempre halo orasaun makaas ba imi, hodi husu Nai Maromak foo forsa ba imi para hamriik metin, i halo imi komprende didiak Nia hakarak.

Kolose 4:2

Imi tenki badinas nafatin halo orasaun ho matan moris neon nain, i sempre agradese ba Nai Maromak.

1 Tesalonika 5:17

Halo orasaun nafatin.