Lucas 17:30 - Biblia Tetun Dili

³⁰ Nunee mos, bainhira Hau, Ema Oan fila fali mai i ema hotu-hotu haree momoos Hau.

Lucas 17:30 Iomraidhean Croise

Mateus 16:27

Tanba aban-bainrua Hau, Ema Oan sei fila fali mai hosi lalehan ho Hau nia Aman nia naroman nabilan, hamutuk ho Nia anju sira. Iha tempu nee mak Hau sei foo ba ema ida-idak tuir saida mak sira halo.

Mateus 24:3

Bainhira Jesus baa tuur mesak iha foho Oliveira, Nia eskolanti sira baa besik Nia hodi husu, “Hatete took mai ami, buat nebee ohin Ita Boot koalia nee, bainhira mak buat sira nee sei akontese? Bainhira Ita Boot atu fila fali mai, sinal saida mak sei mosu? I sinal saida mak sei hatudu katak mundu nee atu remata ona?”

Mateus 24:37

Hanesan ema moris iha Noé nia tempu uluk, nunee mos loron nebee Hau, Ema Oan, fila fali mai.

Mateus 24:39

Sira la hatene kona ba saida mak atu mosu. Bainhira bee boot nee lori tiha sira hotu, foin sira hatene. Nunee mos bainhira Hau, Ema Oan fila fali mai.

Mateus 26:64

Jesus hataan, “Loos duni, hanesan ita dehan nee. Maibee Hau hatete ba imi, aban-bainrua imi sei haree Hau, Ema Oan tuur iha Maromak Forsa Teb-tebes nia sorin loos. I imi sei haree Hau tuun mai hosi lalehan iha kalohan laran.”

Marcos 13:26

Nee liu tiha, foin ema haree Hau, Ema Oan, tuun mai hosi kalohan. Nunee ema sei haree Hau nia naroman nabilan, ho Hau nia kbiit boot hotu.

Lucas 17:24

Tanba bainhira Hau, Ema Oan fila fali mai hosi lalehan, ema sei haree momoos, hanesan rai lakan makaas foo naroman hosi rai rohan ba rohan.

Lucas 17:29

Maibee iha loron nebee Lo sai hosi sidade Sodoma, derepenti deit ahi ho ahi klaak monu tuun hosi loro-leten, halo ema Sodoma sira mate hotu.

Lucas 21:22

Tanba iha loron nee, Maromak sei haruka loron susar sira nee hotu, hodi kastigu ema sira nebee la rona ba Nia. Ida nee hodi kumpri buat nebee Nia profeta sira hakerek ona hori uluk.

Lucas 21:27

Entaun mak sira haree Hau, Ema Oan tuun mai iha kalohan laran, ho kbiit boot ho naroman nabilan nian.

1 Korintu 1:7

Maromak foo tiha ona kbiit oi-oin ba imi, nunee imi la falta buat ida atu halao Nia serbisu durante imi hein ita nia Nai Jesus Kristu fila fali mai hosi lalehan.

1 Korintu 1:8

Maromak sei hametin imi nia fiar too rohan. Nunee, bainhira ita nia Nai Jesus Kristu fila fali mai hodi tesi ema hotu-hotu nia lia, la iha ema ida sei foo sala ba imi.

Kolose 3:4

Kristu foo ona moris foun ba imi. I aban-bainrua Nia fila fali mai, imi mos mosu hamutuk ho Nia, ho naroman nabilan nian.

2 Tesalonika 1:7

Nia sei foo kamaan ba imi nebee terus, ho mos ba ami. Buat sira nee sei sai duni bainhira Nai Jesus mosu mai hosi lalehan ho Nia anju sira nebee forsa teb-tebes.

1 Pedro 1:13

Tanba nee, matan moris neon nain hodi komprende didiak buat sira nee hotu. I hein ho laran metin nafatin atu Maromak hatudu Nia laran diak ba imi bainhira Jesus Kristu fila fali mai.

1 Pedro 1:7

Imi hetan tentasaun nee para bele hatudu katak imi fiar metin ba Nai Maromak. Imi bele kompara ho osan mean. Hodi hatene osan mean loloos ita tenki hatama ba ahi hodi hasae nia foer. Afinal osan mean nee too loron ida sei aat. Tuir Maromak nia haree, imi nia fiar folin aas liu osan mean. Nee mak Nai Maromak husik imi hasoru tentasaun para koko imi nia fiar. Se imi fiar nafatin, entaun aban-bainrua bainhira Jesus Kristu fila fali mai, Maromak sei gaba imi, respeita imi i foti aas imi nia naran.

1 Pedro 4:13

Maibee haksolok baa, tanba imi bele hetan terus hanesan Kristu uluk mos terus. Se imi haksolok nunee, aban-bainrua bainhira ema hotu-hotu haree Jesus Kristu fila fali mai ho naroman nabilan, imi sei haksolok liu tan.

1 João 2:28

Nee duni, oan doben sira, imi tenki moris laran ida ho Jesus Kristu nafatin, para aban-bainrua Jesus fila fali mai hosi lalehan, ita la tauk i la moe hamriik iha Nia oin.

1 João 3:2

Maluk doben sira, ita sai ona Maromak nia oan. Maibee Maromak seidauk foo sai ba ita, aban-bainrua ita sei sai oinsaa. Maski nunee ita sei hatene, bainhira Jesus Kristu fila fali mai hosi lalehan, ita sei sai hanesan Nia, tanba ita sei haree Nia momoos.

Apokalipse 1:7

Haree baa! Jesus sei tuun mai hosi lalehan iha kalohan laran, i ema hotu-hotu sei haree Nia, too ema nebee uluk sona Nia, sira mos sei haree. Ema hosi nasaun hotu-hotu iha mundu nee sei tanis halerik tanba Nia. Loos duni, buat nee sei sai nunee duni. Amen.