Lucas 17:26 - Biblia Tetun Dili

²⁶ Bainhira loron too atu Hau fila fali mai, ema sei moris hanesan iha Noé nia tempu uluk.

Lucas 17:26 Iomraidhean Croise

Jenesis 6:5

Iha tempu nee, NAI Maromak haree ema iha mundu nia hahalok aat demais ona. Sira nia laran hanoin deit mak buat aat.

Jenesis 6:7

Nee mak Maromak hatete, “Hau sei halo rahun tiha ema nebee Hau halo ona iha mundu. Manu fuik ho animal sira mos, Hau sei halo rahun tiha hotu. Tanba Hau arepende halo tiha ona sira.”

Jenesis 6:8

So Noé deit mak hetan grasa hosi NAI Maromak.

Lucas 17:22

Depois Jesus hatete ba Nia eskolanti sira, “Iha tempu oin mai, imi sei hakarak teb-tebes atu haree Hau, Ema Oan fila fali mai, maibee imi la haree.

Lucas 17:24

Tanba bainhira Hau, Ema Oan fila fali mai hosi lalehan, ema sei haree momoos, hanesan rai lakan makaas foo naroman hosi rai rohan ba rohan.

Lucas 17:27

Iha tempu nebaa, sira haan-hemu, sira kaben no halo festa kazamentu hanesan baibain, too loron Noé tama ba roo boot laran. Depois, bee boot sae, halo sira mate hotu.

Lucas 17:7

Jesus foo ezemplu ida dehan, “Hanoin took, imi mak hanesan patraun. Imi nia atan ida baa fila rai iha toos ka hein bibi malae. Bainhira atan nee fila hosi serbisu, imi konvida kedas nia mai haan ka?

Lucas 18:8

Hau hatete ba imi, Maromak sei desidi kedas sira nee ema moris loos. Maibee Hau hakarak husu nunee: Aban-bainrua Hau, Ema Oan, fila fali mai iha mundu, Hau sei hetan ema nebee fiar mai Hau ka lae?”

Ebreu 11:7

Noé fiar ba Nai Maromak. Nee mak bainhira Maromak foo hatene dehan, Nia atu halo rai nabeen, Noé mos rona. Maski Noé seidauk haree buat nee, maibee nia hakruuk ba Nai Maromak hodi halo roo para salva nia aan ho mos nia familia. Tanba nia fiar nee, Maromak konsidera nia ema ida nebee moris loos. Maibee ema sira seluk iha tempu nebaa hetan kastigu too mate mohu tanba sira la fiar ba Maromak hanesan Noé.

2 Pedro 2:5

Nunee mos Maromak kastigu ema sira nebee moris iha Noé nia tempu uluk. Iha tempu nebaa Maromak halo rai nabeen hodi halo mate ema hotu nebee la interese Nia. Maromak salva deit Noé ho nia familia ema nain hitu. Noé nee ema ida nebee foo sai lia loos.

2 Pedro 3:6

Hodi bee mos Nai Maromak uluk kastigu ema iha mundu nee, bainhira Nia halo bee sae makaas hodi halo lakon tiha buat hotu-hotu.