Lucas 17:24 - Biblia Tetun Dili

²⁴ Tanba bainhira Hau, Ema Oan fila fali mai hosi lalehan, ema sei haree momoos, hanesan rai lakan makaas foo naroman hosi rai rohan ba rohan.

Lucas 17:24 Iomraidhean Croise

Mateus 24:27

Tanba bainhira Hau, Ema Oan fila fali mai hosi lalehan, ema hotu sei haree momoos, hanesan rai lakan nebee naroman hosi lorosae too loromonu.

Mateus 24:30

Iha loron nee, ema hotu-hotu iha mundu sei haree sinal ida iha loro-leten hatudu katak Hau, Ema Oan, atu mai ona. Haree nunee, sira nebee lakohi simu Hau sei tanis ho laran susar. Depois ema hotu-hotu sei haree Hau, Ema Oan tuun mai iha kalohan leten, ho kbiit boot no naroman nabilan nian.

Mateus 25:31

Jesus hatutan tan dehan, “Hau, Ema Oan sei fila fali mai hosi lalehan ho naroman nabilan, i anju sira hotu mai hamutuk ho Hau. Hau sei tuur iha kadeira naroman nabilan hodi ukun nudar Liurai.

Mateus 26:64

Jesus hataan, “Loos duni, hanesan ita dehan nee. Maibee Hau hatete ba imi, aban-bainrua imi sei haree Hau, Ema Oan tuur iha Maromak Forsa Teb-tebes nia sorin loos. I imi sei haree Hau tuun mai hosi lalehan iha kalohan laran.”

Mateus 5:15

Nunee mos bainhira ema sunu ahi-oan, nia la taka ho sanan. Maibee ahi-oan tenki tau iha fatin aas para bele foo naroman ba ema hotu nebee iha uma laran.

1 Korintu 1:8

Maromak sei hametin imi nia fiar too rohan. Nunee, bainhira ita nia Nai Jesus Kristu fila fali mai hodi tesi ema hotu-hotu nia lia, la iha ema ida sei foo sala ba imi.

1 Tesalonika 5:2

Tanba imi hotu hatene momoos katak, Nia mai derepenti deit, hanesan naok-teen mai iha kalan boot.

2 Tesalonika 2:2

Bainhira ema bosok imi dehan Jesus Kristu mai tiha ona, lalika hakfodak ka laran susar lalais. Maski sira dehan Espiritu Santu mak foo sai ba sira ka sira rona tutan hosi ema, ka dehan sira simu surat hosi ami, la bele fiar.

2 Tesalonika 2:8

Depois mak foin ema haree momoos ema aat nee nia serbisu. Maibee bainhira Nai Jesus fila mai ho Nia kbiit tomak, ema aat nee nia poder lakon kedas. Jesus huu deit, ema nee rahun kedas.

Tiago 5:8

Imi mos tenki pasiensia nunee, i laran metin nafatin, tan Nai Jesus besik fila ona.

2 Pedro 3:10

Maibee ita nia Nai sei mai derepenti deit hanesan naok-teen. Lalehan sei tarutu makaas loos too lakon tiha. Loro-matan, fulan ho fitun sira iha lalehan, ahi haan hotu kedas. I mundu ho buat hotu-hotu iha mundu nee mos sei lakon hotu.