Lucas 17:16 - Biblia Tetun Dili

¹⁶ Too iha nebaa, nia hakneak ho hakruuk too rai iha Jesus nia ain hodi agradese ba Nia. Afinal, ema nee ema Samaria, laos ema Judeu.

Lucas 17:16 Iomraidhean Croise

Jenesis 17:3

Abrão hakniak no hakruuk too rai. Maromak koalia tan dehan,

Mateus 10:5

Liu tiha nee, Jesus haruka Nia apostolu nain sanulu resin rua, no Nia foo orden dehan: “La bele baa tama iha ema nebee laos ema Judeu sira nia leet. Ema Samaria nia aldeia mos la bele tama. Maibee imi tenki baa iha ema Israel sira deit, tanba sira hanesan bibi malae nebee lao sala dalan ona.

Mateus 2:11

Too iha nebaa, sira tama iha uma laran haree Labarik nee ho Nia inan Maria, i sira hakneak hodi adora Nia. Depois sira hasai sira nia prezenti karun teb-tebes, sira foo ba Labarik nee osan mean, ai been morin ho mina morin diak nian.

Marcos 5:33

Rona Jesus koalia hanesan nee, feto nee tauk atu mate. Depois nia baa hakneak iha Jesus nia oin, hodi foo sai, “Senhor, hau mak ohin kona Ita Boot nia hena.”

Lucas 17:17

Jesus husu ba ema sira iha nebaa, “Ohin Hau kura ema nain sanulu. Sira nain sia iha nebee?

Lucas 5:8

Bainhira sira haree saida mak akontese, Simão Pedro ho nia kolega sira iha bero laran nee admira teb-tebes. Nia maluk peskador Tiago ho João, Zebedeu nia oan, mos admira. Entaun Simão baa hakneak kedas iha Jesus nia ain hodi dehan, “Nai, Ita Boot keta besik hau, tanba hau ema sala nain.” Maibee Jesus hataan, “Lalika tauk. Imi baibain buka ikan. Maibee komesa agora ba oin imi sei buka fali ema para tuir Hau.”

João 4:9

Maibee feto nee hakfodak, tanba ema Judeu baibain la iha relasaun diak ho ema Samaria sira. I nia husu fali ba Jesus, dehan, “Senhor, ita ema Judeu, hau ema Samaria. Senhor husu bee ba hau, nee la sala, ka?”

João 5:23

Hau nia Aman hakarak ema hotu-hotu respeita Hau, hanesan sira respeita ona ba Nia. Tanba ema nebee la respeita Hau, nudar Nia Oan, ema nee mos la respeita Aman nebee haruka Hau mai.

João 8:48

Ema Judeu nia boot sira hataan, “Ami dehan loos duni. Tan ami dehan ona, O nee, laos ema Judeu isin, maibee O ema Samaria. Espiritu aat tama iha O.”

Apostolu sira nia Istoria 1:8

Maibee bainhira Espiritu Santu tuun iha imi, imi sei simu kbiit. Depois mak imi baa foo sasin kona ba Hau, iha sidade Jerusalém, iha provinsia Judeia no Samaria tomak, no too rai ulun rai ikun.”

1 Korintu 14:25

Depois buat nebee nia subar iha nia fuan laran, nia sei foo sai hotu. Too ikus nia hakneak hodi adora Maromak no dehan, “Loos duni! Maromak iha imi nia klaran!”

Apokalipse 19:10

Tuir mai hau hakneak i hakruuk too rai iha anju nee nia oin atu adora nia, maibee nia bandu dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk sira seluk nebee foo sai nafatin Jesus nia hanorin. Tanba ita hotu hetan kbiit hosi Maromak nia Espiritu para ita foo sasin kona ba Jesus.”

Apokalipse 4:10

katuas lian nain rua-nulu resin haat nee hakneak i hakruuk too rai iha kadeira ukun nee nia oin hodi adora Ida nebee tuur iha kadeira ukun nee, Nia moris too tinan ba tinan. Sira mos hasai sira nia koroa liurai nian i tau iha kadeira ukun nia oin hodi hahii Nia dehan,

Apokalipse 5:14

Depois animal haat nee hataan, “Amen, loos duni!” I katuas lia nain rua-nulu resin haat hakneak i hakruuk too rai hodi adora Ida nebee tuur iha kadeira ukun ho mos Bibi Oan.