Lucas 16:8 - Biblia Tetun Dili

⁸ Maski nia halo manipulasaun nunee, maibee too ikus nia patraun gaba nia, tanba nia hatene halo manobra.” Jesus hatutan tan dehan, “Loos duni, ema mundu nian hatene liu halo manobra duke ema nebee moris iha naroman laran.”

Lucas 16:8 Iomraidhean Croise

Jenesis 3:1

Hosi animal sira hotu nebee NAI Maromak halo ona iha mundu, samea mak matenek hodi bobar lia tuun-sae. Iha loron ida, samea husu ba feto dehan, “NAI Maromak bandu dehan, ‘Imi la bele haan ai fuan sira iha toos nee’, loos ka lae?”

Mateus 12:32

Nunee mos ema nebee mak koalia kontra Hau, Ema Oan, nia sei hetan perdaun. Maibee see mak koalia kontra Espiritu Santu, Maromak la foo perdaun ba nia too tinan ba tinan.”

Mateus 17:26

Pedro hataan, “Hosi ema seluk.” Jesus dehan, “Se nunee, liurai nia povu rasik la selu ida.

Lucas 16:10

Ema nebee foo laran ba buat kiik, nia mos sei foo laran ba buat boot. Maibee ema nebee bosok iha buat kiik, nia mos sei bosok iha buat boot.

Lucas 16:4

Aah! Hau hatene ona saida mak atu halo. Nunee bainhira hau sai ona hosi serbisu nee, ema barak prontu simu hau iha sira nia uma.’

Lucas 16:7

Ba ema tuir mai, nia husu, ‘Ita deve hira?’ Nia hataan, ‘Hau deve trigu karoon atus ida.’ Xefi dehan, ‘Foti ita nia nota nee, i hakerek fali, karoon walu-nulu deit.’

Lucas 18:6

Depois Nai Jesus hatete, “Imi hanoin took, juis laran aat nia koalia nee.

Lucas 20:34

Jesus hataan, “Iha mundu nee, ema kaben.

Lucas 20:35

Maibee aban-bainrua iha mundu foun, ema nebee serve atu moris fila fali hosi mate, la kaben ona.

João 12:36

Bainhira imi sei iha naroman, imi tenki fiar mai Hau, nunee imi bele sai ema nebee moris iha naroman, para imi hatene atu baa nebee.” Jesus koalia tiha nunee, Nia mos dada aan hosi ema barak nia leet, para Nia bele mesak.

1 Korintu 3:18

Keta bosok imi nia aan. Se iha ema ruma iha imi nia klaran hanoin dehan nia matenek tuir mundu nian, entaun diak liu nia sai beik tiha, atu nia bele sai matenek iha Maromak nia oin.

Efezu 5:8

Uluk imi moris iha nakukun laran. Maibee agora, imi laran ida ho Nai Jesus i tama ona iha naroman. Nee mak imi tenki moris hanesan ema nebee moris iha naroman.

Filipi 3:19

Too ikus Maromak sei soe lakon tiha ema sira nee. Sira nia maromak mak sira nia kabun. Hahalok aat nebee sira halo, halo ema moe, maibee sira tebe rai dehan, diak loos. Sira hanoin deit buat mundu nian.

1 Tesalonika 5:5

Ita nebee fiar ba Jesus hanesan ema loron nian nebee moris iha naroman. Ita laos hanesan ema kalan nian, nebee moris iha nakukun laran.

1 Pedro 2:9

Maibee imi laos nunee. Imi Nai Maromak hili tiha ona hodi sai Nia povu. Imi hanesan nai-lulik nebee mak serbii liurai. Imi hanesan nasaun ida nebee moris loos. Imi Maromak nia povu. Maromak hili imi nunee para imi bele konta sai buat diak nebee mak Maromak halo tiha ona ba imi. Tanba Nia mak bolu imi sai hosi nakukun hodi tama ba iha Nia naroman ida nebee furak teb-tebes.

1 João 3:10

Imi bele hatene ida nebee mak Maromak nia oan, i ida nebee mak diabu nia oan, hanesan nee: see mak la halo buat nebee loos no la hadomi nia maun-alin iha Kristu, ema nee laos Maromak nia oan.