Lucas 16:3 - Biblia Tetun Dili

³ Xefi nee komesa hanoin barak, ‘Patraun atu hasai hau ona, agora hau tenki halo saida? Kee rai, hau la iha forsa; husu ezmola, hau moe.

Lucas 16:3 Iomraidhean Croise

Ester 6:6

Bainhira Amaan tama, liurai husu kedas ba nia dehan, “Se liurai hakarak foo respeitu ba ema ida, liurai tenki halo oinsaa?” Amaan hanoin dehan, “Klaru ke liurai hakarak foo respeitu mai hau. Tanba la iha ema seluk tan mak boot liu hau.”

Mateus 20:8

Rai besik kalan ona, nia hatete ba mandor dehan, ‘Baa bolu ema sira nebee mak serbisu iha toos uvas hodi selu sira ida-idak. Maibee selu uluk ema sira nebee mak tama ikus. Sira nebee mak tama uluk, selu ikus.’

Marcos 10:46

Depois Jesus ho Nia eskolanti sira too iha sidade Jerikó. Bainhira sira lao sai hosi sidade nee, ema barak mos tuir. Iha dalan ninin, ema matan delek ida tuur hela hodi husu ezmola. Nia naran Bartimeu, Timeu nia oan.

Lucas 12:17

I nia hanoin dehan, ‘Hau nia armazen hodi tau ai haan nakonu hotu ona. Agora hau atu halo oinsaa tan?

Lucas 16:2

Entaun nia bolu ema nee hodi hatete, ‘Hau rona o halo saida mak nee?! Agora o tenki halo relatóriu ida mai hau, tanba o la bele kaer tan kargu nee ona.’

Lucas 16:20

Iha mos ema kiak ida naran Lázaro, nia isin lolon nakonu ho kanek dodok. Loro-loron nia latan hela besik iha ema riku nee nia portaun hodi husu ezmola.

Lucas 16:22

Too ikus, Lázaro mate, i Maromak nia anju sira mai foti nia lori ba iha fatin diak nian iha Abraão nia sorin. La kleur ema riku nee mos mate, i ema hakoi nia.

Lucas 16:4

Aah! Hau hatene ona saida mak atu halo. Nunee bainhira hau sai ona hosi serbisu nee, ema barak prontu simu hau iha sira nia uma.’

Lucas 18:4

Fofoun juis lakohi simu feto faluk nee, maibee too ikus nia dehan ba nia aan, ‘Maski hau la tauk Maromak, i hau la respeita ema ida,

João 9:8

Liu tiha nee, ema nee nia vizinhu sira ho ema sira nebee baibain haree nia husu ismola nee, komesa husu ba malu, “Laos nia mak ema matan delek ida nebee uluk tuur hodi husu ismola, ka?”

Apostolu sira nia Istoria 3:2

Sira foin atu tama ba iha portaun naran ‘portaun kapaas’, sira haree mane ida ain aat, lao la diak, komesa nia moris. Loro-loron ema hulan nia baa tau iha nebaa, atu nia bele husu ezmola ba ema nebee mak tama ba iha Uma Kreda nee.

Apostolu sira nia Istoria 9:6

Agora, hadeer hodi baa sidade ona. Depois mak Hau foo hatene ba o saida mak o tenki halo.”

2 Tesalonika 3:11

Maibee agora ami rona dehan, imi balu baruk-teen, la halo serbisu, i so mete deit ho buat nebee la iha folin.