Lucas 16:28 - Biblia Tetun Dili

²⁸ Tanba hau sei iha alin mane nain lima iha nebaa. Haruka Lázaro baa foo hanoin ba sira para husik ona sira nia sala. Nunee bainhira sira mate, sira keta tama mai iha fatin terus ida nee.’

Lucas 16:28 Iomraidhean Croise

Lucas 16:27

Ema riku nee hataan, ‘Se nunee aboo, hau husu boot atu aboo haruka Lázaro baa iha hau nia apaa nia uma.

Apostolu sira nia Istoria 10:42

Nunee Nai Maromak haruka ami baa foo sai Nai Jesus nia Novidade Diak ba ema iha fatin-fatin. Nia haruka ami foo sasin katak, Nai Maromak foti ona Jesus nee sai tesi lia nain ba ema moris ho mos ba ema nebee mate tiha ona, hodi hakotu see mak bele moris hamutuk ho Nai Maromak, i see mak lae.

Apostolu sira nia Istoria 18:5

Bainhira Silas ho Timóteo mai hosi provinsia Masedónia, Paulo husik tiha nia serbisu halo tenda. Loron-kalan nia fadigadu foo sai ba ema Judeu sira dehan, Ema ida nebee Nai Maromak hili ona nee mak Jesus.”

Apostolu sira nia Istoria 2:40

Pedro koalia liafuan barak tan hodi buka atu dada sira ba dalan loos. Nia dehan, “Agora dadauk ema barak lao sees ona hosi dalan loos. Keta tuir sira! Tuir deit Nai Maromak nia dalan loos, para bele moris nafatin ho Nia.”

Apostolu sira nia Istoria 20:21

Hau foo hatene ona ba ema Judeu, ho mos ema nebee laos Judeu, atu sira husik ona sira nia sala, hodi tuir Nai Maromak i fiar ba Nai Jesus.

Apostolu sira nia Istoria 20:23

Maibee iha sidade ba sidade, Espiritu Santu foo hatene antes tiha ona mai hau dehan, hau sei tama kadeia i hetan terus barak.

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Apostolu sira nia Istoria 23:11

Iha kalan nee, Nai Jesus hatudu Aan ba Paulo. Nia hametin Paulo nia laran hodi hatete, “Paulo, o keta tauk! Agora o foo sasin ona ba ema iha Jerusalém kona ba Hau. Nunee mos, o tenki baa koalia kona ba Hau iha sidade Roma.”

Apostolu sira nia Istoria 26:22

Maibee Nai Maromak tulun hau. Nee mak hau sei moris too agora. Tanba nee, hau bele hamriik iha nee, hodi foo sasin ba ema hotu-hotu, kiik-boot, kona ba Jesus. Saida mak hau koalia nee, haan malu ho saida mak profeta Moisés ho profeta sira uluk hanorin ona.

Apostolu sira nia Istoria 28:23

Entaun sira marka loron ida, atu sira hasoru malu fali. Too iha loron nee, ema barak teb-tebes mai iha Paulo nia uma. Nia komesa esplika ba sira kona ba Nai Maromak nia reinu. I nia uza liafuan hosi profeta Moisés nia livru, ho mos hosi profeta sira seluk nia livru, atu halo sira fiar ba Jesus. Nia koalia hosi dadeer-saan too kalan.

Apostolu sira nia Istoria 8:25

Pedro ho João foo testemunha kona ba Jesus, i foo sai Maromak nia Liafuan iha sidade nee. Depois sira fila ba Jerusalém. Tuir dala-dalan sira tama iha aldeia-aldeia iha provinsia Samaria, hodi foo sai Nai Jesus nia Novidade Diak.

Galasia 5:3

Hau hatete dala ida tan: See mak simu sunat tuir ema Judeu nia lei relijiaun, nia mos tenki halo tuir hotu lei relijiaun nee tomak.

Efezu 4:17

Rona didiak saida mak hau hatete agora ba nee, tanba hau koalia hodi Nai Jesus nia naran. Imi la bele moris tan hanesan ema nebee la konhese Nai Maromak. Tanba sira nia hanoin arbiru deit.

1 Tesalonika 2:11

Imi hatene katak ami tau matan ba imi ida-idak, hanesan aman ida tau matan ba nia oan rasik.

1 Tesalonika 4:6

La bele book maluk kristaun nia kaben. Nai Maromak sei foo kastigu ba ema nebee halo sala sira nee. Buat sira nee ami foo atensaun fila-fila ba imi hori uluk kedas.