Lucas 16:24 - Biblia Tetun Dili

²⁴ Entaun nia bolu, ‘Aboo Abraão, hadomi hau baa! Haruka Lázaro habokon nia liman fuan ba bee, para halo turu mai hau nia nanaal. Tanba ahi lakan nee halo hau terus teb-tebes.’

Lucas 16:24 Iomraidhean Croise

Mateus 25:41

Depois Hau hatete ba ema sira nebee iha Hau nia sorin karuk dehan, ‘Sai tiha hosi nee, imi sira nee hetan ona malisan. Baa tama iha ahi laran nebee mak nunka mate. Ahi nee prepara tiha ona ba diabu ho nia anju sira.

Mateus 3:9

I lalika hanoin dehan, imi loos ona tanba deit imi Abraão nia jerasaun. Lae! Hau hatete ba imi: fatuk sira nee mos, Maromak bele halo sai Abraão nia jerasaun.

Mateus 5:22

Maibee Hau hatete ba imi, ‘See mak hirus nia maun-alin ida, nia sei hetan kastigu. See mak tolok nia maun-alin ida, nia sei baa hataan iha tribunal. I see mak hirus ema seluk dehan, ‘O beik-teen’, ema nee lao dadauk ona ba iha ahi infernu nebee lakan.

Lucas 16:30

Ema riku nee dehan, ‘Nee la too, aboo Abraão! Maibee se ema mate moris fila fali i baa foo hatene ba sira, mak sira sei husik sira nia sala.’

Lucas 19:9

Jesus hatete ba nia, “Ohin loron nee kedas, Nai Maromak salva o nia uma kain tomak, tanba o mos Abraão nia jerasaun.

Lucas 3:8

Imi tenki muda imi nia hahalok hodi hatudu katak imi husik duni imi nia sala. I lalika hanoin dehan, imi loos ona, tanba deit imi Abraão nia jerasaun. Lae! Hau hatete ba imi: fatuk sira nee mos, Maromak bele halo sai Abraão nia jerasaun.

João 4:10

Jesus hatete, “Se mana hatene saida mak Nai Maromak hakarak foo ba ema hotu, no mos hatene see mak Hau nebee husu bee nee, maka mana sei husu fila fali bee mai Hau. Nunee Hau sei foo bee nebee lori moris ba ema.”

João 4:14

Maibee ema nebee hemu bee nebee Hau foo nee, sei la hamrook tan ona. Tanba bee nebee Hau foo nee, hanesan bee matan ida iha nia laran, nebee fakar sai mai. Bee nee, lori moris loloos nebee rohan laek.”

João 7:37

Iha loron ikus hosi festa nee mak sai loron boot liu. Jesus hamriik, hodi koalia ho lian makaas dehan, “Rona mai! See mak hamrook mai iha Hau hodi hemu!

Roma 4:12

Abraão mos sai aman ba ema Judeu nebee sunat. Laos tanba ita sunat, maibee tanba ita fiar ba Kristu, hanesan ita nia bei-ala Abraão mos fiar ba Maromak bainhira nia seidauk sunat.

2 Tesalonika 1:8

Sira sei tuun mai ho ahi lakan boot. I Jesus sei fakar Nia hirus ba ema sira nebee lakohi hatene Nai Maromak i lakohi halo tuir Nai Jesus Kristu nia Novidade Diak.

Tiago 2:13

Tan bainhira Maromak tesi ita ema nia lia, Nia sei la hatudu laran diak ba ita, se ita la hatudu laran diak ba ema seluk. Maibee se ita hatudu laran diak ba ema seluk, Maromak mos sei hatudu laran diak mai ita.

Tiago 3:6

Ita bele kompara ibun hanesan ahi. Iha ita nia isin lolon, ita nia ibun nakonu ho buat aat, nebee estraga ita nia aan. Nee hanesan ibun lori ahi infernu nian hodi sunu motuk ita nia moris tomak.

Apokalipse 19:20

Maibee Ema nebee sae kuda mutin nee manaan tiha animal siak nee ho nia profeta falsu. Profeta falsu nee mak uluk hatudu nia milagre boboot hodi animal siak nia naran. Ho milagre sira nee nia bosok ema hotu-hotu nebee simu ona animal siak nia marka i adora animal nee nia estatua. Agora Ema ida nebee sae kuda mutin nee kaer animal siak nee ho nia profeta falsu, i soe moris sira nain rua ba iha ahi lakan boot nia laran.

Apokalipse 20:15

Ema sira nebee naran la hakerek iha livru ema moris rohan-laek nian, mos soe tama hotu ba iha ahi lakan boot nee nia laran.

Apokalipse 22:1

Tuir mai anju nee hatudu mota ida mai hau. Mota nee nia bee foo moris tinan ba tinan, i moos loos hanesan vidru. Bee nee sai hosi Nai Maromak ho Bibi Oan nia kadeira ukun,