Lucas 16:23 - Biblia Tetun Dili

²³ I nia terus teb-tebes iha ahi infernu. Iha nebaa, nia foti matan, haree Abraão hosi dook, i Lázaro tuur hela iha nia sorin.

Lucas 16:23 Iomraidhean Croise

Mateus 11:23

Nunee mos imi ema Kafarnaum sira, keta hanoin katak, Maromak sei foti sae imi ba lalehan. Lae! Nia sei soe imi ba infernu. Se karik uluk ema nebee laos judeu sira hela iha sidade Sodoma haree milagre nebee Hau halo iha imi nia rai nee, entaun sira husik sira nia sala, i Maromak la sunu motuk sidade nee.

Mateus 18:9

Se o nia matan halo o monu ba sala, sukit sai tiha o nia matan nee i soe tiha. Diak liu o tama ba iha lalehan ho matan sorin deit duke o tama ba iha infernu ho matan kompletu.”

Mateus 23:33

He! Imi hanesan samea nebee fila lia tuun-sae! Oinsaa imi bele halai sees hosi kastigu iha infernu?

Mateus 5:22

Maibee Hau hatete ba imi, ‘See mak hirus nia maun-alin ida, nia sei hetan kastigu. See mak tolok nia maun-alin ida, nia sei baa hataan iha tribunal. I see mak hirus ema seluk dehan, ‘O beik-teen’, ema nee lao dadauk ona ba iha ahi infernu nebee lakan.

Mateus 5:29

Se o nia matan sorin loos halo o monu ba sala karik, sukit sai o nia matan nee i soe tiha. Diak liu o moris ho matan sorin deit, duke o iha matan rua maibee tama ba infernu.

Mateus 8:29

Sira hakilar dehan, “Maromak nia Oan, O hakarak halo saida mai ami? O atu mai kastigu ona ami ka? Afinal tempu seidauk too.”

Lucas 16:24

Entaun nia bolu, ‘Aboo Abraão, hadomi hau baa! Haruka Lázaro habokon nia liman fuan ba bee, para halo turu mai hau nia nanaal. Tanba ahi lakan nee halo hau terus teb-tebes.’

Lucas 16:28

Tanba hau sei iha alin mane nain lima iha nebaa. Haruka Lázaro baa foo hanoin ba sira para husik ona sira nia sala. Nunee bainhira sira mate, sira keta tama mai iha fatin terus ida nee.’

1 Korintu 15:55

“Hei, mate! O lakon tiha ona! Hei, mate! O la iha veneno tan hodi oho ami!”

2 Pedro 2:4

Hanoin took! Uluk bainhira anju balu halo sala, Maromak kastigu sira i soe sira ba infernu. Iha nebaa sira sai dadur iha rai kuak klean nakukun hodi hein too Maromak julga sira.

Apokalipse 20:10

Diabu, ida nebee uluk bosok sira hotu, sei soe tama tiha iha ahi lakan boot nia laran. Iha nebaa nia sei terus loron-kalan hamutuk ho animal siak ho nia profeta falsu too tinan ba tinan.