Lucas 16:22 - Biblia Tetun Dili

²² Too ikus, Lázaro mate, i Maromak nia anju sira mai foti nia lori ba iha fatin diak nian iha Abraão nia sorin. La kleur ema riku nee mos mate, i ema hakoi nia.

Lucas 16:22 Iomraidhean Croise

Mateus 18:10

“Jesus koalia tan dehan, keta hanoin dehan ema kiik sira nee la iha folin. Hau hatete ba imi, anju sira nebee hamriik iha Hau nia Aman Maromak nia oin, iha lalehan, sempre tau matan ba sira.

Mateus 24:31

I Hau sei haruka Hau nia anju sira huu korneta ho lian makaas i sira sei ba halibur ema sira nebee mak Maromak hili tiha ona, hosi lorosae too loromonu, hosi tasi feto too tasi mane.”

Mateus 8:11

Rona mai. Ema barak sei mai hosi fatin-fatin, hosi lorosae i loromonu, sira sei mai tuur haan hamutuk ho Ita nia bei-ala Abraão, Isac no Jacó iha Maromak nia reinu iha lalehan.

Marcos 8:36

Rona didiak! Se o hetan buat hotu iha mundu nee, maibee Nai Maromak la simu i soe o, o manaan saida?

Lucas 12:20

Maibee Nai Maromak hatete ba nia, ‘Hei, o ema beik-teen! Kalan nee kedas Hau hakotu o nia iis. Depois, see mak sei hetan sasaan barak nebee o rai ba o nia aan nee?’

Lucas 16:21

Nia hakarak atu haan hahaan nebee monu hosi ema riku nia meza, maibee ema ida la foo. I asu mak mai lambe nia kanek dodok sira nee.

João 1:18

La iha ema ida mak bele haree Nai Maromak. Maibee Nia Oan mane mesak, nebee Nia hadomi, mak hatudu Nia laran mai ita. Oan nee, iha Aman nia sorin. Tan Nia mos, Nai Maromak.

João 13:23

Iha nebaa mos iha eskolante ida hosi sira nebee Jesus hadomi (mak hau, João, nebee hakerek livru nee). Hau tuur iha Jesus nia sorin.

João 21:20

Iha tempu nee, Pedro haree ba kotuk, i nia haree hau tuir hosi sira nain rua nia kotuk. Hau eskolante ida nebee Jesus hadomi. Hau mos tuur iha Jesus nia sorin bainhira ami tuur hamutuk haan iha festa Paskua. Hau mak husu ba Nia, “Senhor, see mak sei faan Ita Boot?”

Ebreu 1:14

Entaun anju sira nee see? Sira nee espiritu nebee serbii Nai Maromak. I Nia haruka anju sira nee mai tulun ema nebee mak sei hetan salvasaun.

Ebreu 2:14

Maromak nia oan sira nee iha isin ho raan. Nunee Jesus rasik mos sai ema hanesan ita ema kriatura para Nia bele mate, i liu hosi Nia mate, Nia bele manaan diabu, ida nebee mak ukun mate.

Tiago 1:11

Ai funan bele kapaas, maibee too bailoro, funan kapaas nee namlaik i maran too lakon tiha deit. Nunee mos ho ema riku. Bainhira nia sei fadigadu hela ho nia riku, nia mate, la lori buat ida.

1 Pedro 2:24

Kristu rasik mak lori ita nia sala iha ai krus leten para ita nebee mate ba sala bele moris iha lia loos. Nia kanek sira nee mak kura ona imi.

Apokalipse 14:13

Hotu tiha hau rona lian ida hosi lalehan dehan, “Hakerek nunee: Ema nebee mate iha fiar ba Nai Jesus hetan bensaun.” Maromak nia Espiritu hataan, “Loos duni, sira deskansa ona, tanba sira nia serbisu ho sira nia terus hotu ona. I Nai Maromak sei selu fali sira nia kolen.”