Lucas 16:2 - Biblia Tetun Dili

² Entaun nia bolu ema nee hodi hatete, ‘Hau rona o halo saida mak nee?! Agora o tenki halo relatóriu ida mai hau, tanba o la bele kaer tan kargu nee ona.’

Lucas 16:2 Iomraidhean Croise

Mateus 12:36

Hanoin didiak! Iha loron ikus bainhira Maromak tesi ema hotu-hotu nia lia, Nia sei tetu ema nia liafuan ida-idak. Imi nia liafuan nebee mak imi koalia arbiru, imi tenki responsabiliza iha Maromak nia oin.

Mateus 20:8

Rai besik kalan ona, nia hatete ba mandor dehan, ‘Baa bolu ema sira nebee mak serbisu iha toos uvas hodi selu sira ida-idak. Maibee selu uluk ema sira nebee mak tama ikus. Sira nebee mak tama uluk, selu ikus.’

Lucas 12:20

Maibee Nai Maromak hatete ba nia, ‘Hei, o ema beik-teen! Kalan nee kedas Hau hakotu o nia iis. Depois, see mak sei hetan sasaan barak nebee o rai ba o nia aan nee?’

Lucas 12:42

Jesus hataan, “Komparasaun nee kona ba ema see-see deit mak hanesan atan diak ida, nia hatene toma konta nia patraun nia sasaan, i foo laran ba nia patraun. Patraun sei foo fiar ba ema nee para fahe hahaan ba nia atan sira seluk tuir oras.

Lucas 16:1

Jesus koalia ba Nia eskolanti sira ho komparasaun ida nunee: “Iha ema riku ida foti funsionariu ida sai xefi hodi toma konta nia rikusoin hotu. La kleur patraun rona dehan xefi nee gasta arbiru patraun nia osan.

Lucas 16:3

Xefi nee komesa hanoin barak, ‘Patraun atu hasai hau ona, agora hau tenki halo saida? Kee rai, hau la iha forsa; husu ezmola, hau moe.

Roma 14:12

Nunee ita ida-idak tenki responsabiliza ita nia aan iha Maromak nia oin.

1 Korintu 1:11

Maun-alin doben sira, iha ema balu hosi Cloe nia familia hatete mai hau dehan, imi balu haksesuk malu hela deit

1 Korintu 4:2

Baibain patraun foo fiar ba nia atan ida, atan nee tenki foo laran ba nia patraun.

1 Korintu 4:5

Nee duni la bele julga ema seluk, tanba tempu atu tesi lia seidauk too. Hein too Nai Jesus fila fali mai hosi lalehan. Nia sei tesi ema hotu-hotu nia lia. Saida deit mak ema halo iha nakukun laran, Nia sei foo sai iha ema hotu nia oin. Too ema nia hanoin nebee segredu mos, Nia sei hatudu sai. Depois Maromak mak sei gaba ema ida-idak tuir sira nia serbisu nebee sira halo ba Nia.

2 Korintu 5:10

Tanba aban-bainrua ita hotu sei hamriik iha Kristu nia futar oin para Nia tesi ita nia lia. I ita ida-idak sei simu tuir saida mak ita halo ona iha mundu nee, tuir saida mak ita halo diak ka aat.

1 Timóteo 4:14

Uluk lideransa sira harohan hodi tau liman ba o nia ulun. Momentu nee, sira foo tutan Maromak nia lia menon kona ba o nia knaar, i Maromak mos foo kbiit ba o para o bele halo knaar nee ho diak. Agora, uza loloos kbiit nee.

1 Timóteo 5:24

Haree didiak! Iha ema balu halo sala, seidauk lori ba justisa mos, ema hotu-hotu hatene tiha ona. Maibee iha ema balu halo sala, kleur mak foin ema hatene.

1 Pedro 4:10

Nai Maromak foo kbiit ba imi ida-idak la hanesan. Uza didiak kbiit nebee Nia foo ba imi nee hodi serbii ema seluk.

1 Pedro 4:5

Maibee aban-bainrua sira tenki hataan iha Nai Maromak nia oin. Nia prontu tesi ema hotu-hotu nia lia, ba ema nebee mate tiha ona, ka ema nebee sei moris.

Apokalipse 20:12

Hau haree ema sira nebee mate tiha ona, kiik-boot hotu-hotu hamriik hela iha kadeira ukun nia oin. Depois anju loke livru nebee hakerek ema hotu-hotu nia hahalok iha mundu. Anju mos loke livru ida seluk, iha livru nee hakerek ema sira nebee sei hetan moris rohan-laek. I Nai Maromak tesi ema ida-idak nia lia tuir sira nia hahalok nebee hakerek tiha ona iha livru nee nia laran.