Lucas 16:19 - Biblia Tetun Dili

¹⁹ Depois Jesus halo tan komparasaun ida nunee: “Iha ema riku ida sempre hatais ropa didiak deit. Loron-kalan nia halo festa hela deit.

Lucas 16:19 Iomraidhean Croise

Ester 8:15

I bainhira Mordekai sai hosi liurai nia palasiu, nia hatais ropa azul ho mutin, hanesan bai-bain liurai sira hatais. Nia tau koroa osan mean iha nia ulun, ho faru naruk hosi hena kabas hosi Ejitu nebee enfeita ho koor uvas. Bainhira ema iha sidade Suzan rona novidade nee, i sira haree Mordekai nia ropa kabas finu, sira haksolok no hakilar rame-rame.

Marcos 15:17

Sira foo batina kor uvas ida ba Jesus hatais. Batina hanesan nee, liurai sira mak hatais. I sira halo mos koroa ida hanesan liurai sira mak tau. Maibee koroa ida atu tau ba Jesus nee, sira halo hosi ai tarak. I sira hanehan koroa nee ba Nia ulun. Nunee, sira halo Jesus hodi halimar hanesan atu foti Nia sai liurai.

Marcos 15:20

Sira trata tiha hotu Nia, sira hasai tiha batina, i foo hatais fali ho Nia hena rasik. Tuir mai, sira lori Jesus sai hosi sidade Jerusalém atu baa prega iha krus too mate.

Lucas 15:13

La kleur, oan mane kiik nee faan tiha hotu rikusoin nebee nia hetan nee hodi baa rai dook. Iha nebaa nia gasta osan arbiru hodi moris goza hela deit.

Lucas 16:1

Jesus koalia ba Nia eskolanti sira ho komparasaun ida nunee: “Iha ema riku ida foti funsionariu ida sai xefi hodi toma konta nia rikusoin hotu. La kleur patraun rona dehan xefi nee gasta arbiru patraun nia osan.

Lucas 16:18

Laen nebee soe nia feen, depois kaben fali ho feto seluk, nia halo sala adulteriu. I mane nebee kaben fali ho feto nebee nia laen soe tiha ona nee, mane nee mos halo sala adulteriu.”

Lucas 16:20

Iha mos ema kiak ida naran Lázaro, nia isin lolon nakonu ho kanek dodok. Loro-loron nia latan hela besik iha ema riku nee nia portaun hodi husu ezmola.

Apokalipse 17:4

Feto nee hatais hena folin karun teb-tebes, kor mean ho kor uvas. I nia tau osan mean, fatuk murak, ho morteen perola mesak karun. Nia kaer hela kopu osan mean ida. Kopu nee nakonu ho nia hahalok aat, hanesan sala adulteriu, buat aat ho buat foer selu-seluk nebee mak nia halo.

Apokalipse 18:16

‘Koitadu! Koitadu sidade boot nee! Uluk o hatais hena mesak didiak, kor mean ho kor uvas ho folin karun teb-tebes. Uluk o enfeita aan ho osan mean, fatuk murak ho morteen perola.

Apokalipse 18:7

Uluk nia foti aan liu hodi moris goza deit, agora tenki foo fali terus ho susar boot liu ba nia. Feto luroon nee gaba aan dehan, ‘Hau nee liurai feto! Hau nunka sai feto faluk, i nunka hatene tristi.’