Lucas 16:16 - Biblia Tetun Dili

¹⁶ Lei nebee Maromak foo ba Moisés ho profeta sira hodi hanorin vale too João Sarani Nain mai. Depois komesa hosi João ba oin, ema foo sai Novidade Diak kona ba Maromak ukun nudar Liurai, i ema barak hakaas aan hodi tama ba Maromak nia reinu.

Lucas 16:16 Iomraidhean Croise

Mateus 10:7

Baa foo hatene ema Israel sira dehan, ‘Tempu besik ona atu Maromak ukun imi.’

Mateus 15:11

Buat nebee tama ba ema nia ibun, nee la halo foer nia iha Maromak nia oin. Maibee buat nebee sai hosi ema nia ibun, nee mak halo foer nia.”

Mateus 21:32

Tanba uluk João Sarani Nain mai hanorin dalan loos no lia loos ba imi, i imi lakohi fiar. Maibee kobrador impostu ho feto luroon sira rona, fiar no hodi halo tuir. Maski imi haree nunee, imi lakohi hakribit imi nia sala i la fiar nafatin ba João nia liafuan.”

Mateus 3:2

Nia foo sai dehan, “Husik ona imi nia sala, tanba Maromak nia tempu hodi ukun besik ona.”

Mateus 4:17

Iha tempu nebaa, Jesus foo sai ba ema dehan, “Husik ona imi nia sala, tanba Maromak nia tempu hodi ukun besik ona.”

Mateus 4:23

Jesus lao iha provinsia Galileia tomak hodi hanorin iha ema Judeu sira nia uma kreda. Nia foo sai Novidade Diak kona ba oinsaa Maromak ukun nudar Liurai. I Nia mos kura ema nebee iha moras oi-oin.

Marcos 1:14

Bainhira ema kaer tiha João Sarani Nain hatama ba kadeia, Jesus baa kedas iha provinsia Galileia hodi foo sai Maromak nia Novidade Diak.

Marcos 1:45

Maibee ema nee sai, i nia baa konta iha fatin ba fatin. Depois ema barak baa buka Jesus, too Nia susar tama ba sidade. Nunee Nia hela iha fatin hakmatek ida, dook hosi sidade. Maibee ema hosi fatin-fatin, nadodon baa nafatin atu hasoru Nia.

Lucas 10:11

‘Rai rahun iha ami nia ain okos hosi aldeia nee, ami baku hodi hatudu katak, imi rasik mak sei simu todan. Maibee keta haluha, Nai Maromak nia besik too ona.’ ”

Lucas 10:9

Kura ema moras iha aldeia nee, i foo hatene ba ema hotu dehan, ‘Nai Maromak nia Reinu besik too ona.’

Lucas 16:29

Maibee Abraão hataan, ‘Sira hetan ona Moisés ho profeta sira seluk nia livru. O nia alin sira tenki rona ba saida mak hakerek iha livru sira nee.’

Lucas 16:31

Abraão hataan, ‘Se sira lakohi rona Moisés ho profeta sira seluk, maski ema mate moris fali hodi foo hatene ba sira mos, sira sei la rona.’ ”

Lucas 9:2

Nia haruka sira baa foo sai kona ba Maromak ukun nudar Liurai, no kura ema moras.

João 1:45

Depois Filipe baa buka Natanael, hodi hatete dehan, “Ami hasoru ona Ema nebee Maromak hatudu ba Moisés iha nia eskritura. Maromak nia profeta sira iha tempu uluk mos hakerek ona kona ba Ema nee. Nia naran Jesus, hosi aldeia Nazaré. Nia aman naran José.”

João 11:48

Se ita husik deit Nia, maka ema hotu sei fiar ba Nia hanesan sira nia liurai. Nunee, estadu Roma nia forsa bele mai harahun tiha ita nia Uma Kreda Boot ho ita nia povu.”

João 12:19

Entaun ema Farizeu koalia ba malu dehan, “Haree baa! Ema hotu iha mundu nee fadigadu hodi tuir Nia. Iha ikus mai ita mak susar. Se nunee, ita la bele halo tan buat ida ona.”

João 5:4

Tanba, dala ruma, Maromak nia anju hosi lalehan tama iha bee nee, halo bee nee book aan. I see mak tama uluk ba iha bee tanki nee, nia mak hetan kura.]

Apostolu sira nia Istoria 3:18

Maibee liu hosi dalan nee Nai Maromak kumpri Nia liafuan nebee Nia foo sai hori uluk ona, liu hosi Nia profeta sira, dehan Ema ida nebee Nia hili ona nee, tenki hetan terus barak.