Lucas 16:15 - Biblia Tetun Dili

¹⁵ Maibee Jesus dehan ba sira, “Iha ema nia oin, imi hatudu aan hanesan ema nebee moris loos. Maibee Nai Maromak hatene imi nia laran. Iha buat barak mak ema dehan folin boot, maibee Nai Maromak la foo folin.

Lucas 16:15 Iomraidhean Croise

Mateus 23:5

Serbisu saida deit mak sira halo, so hodi hatudu ba ema seluk haree i gaba. Ezemplu, sira hakerek Maromak nia Liafuan taka ba sira nia reen toos i suku fita iha sira nia batina tutun tuir lei Moisés nian.

Mateus 6:16

“Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Mateus 6:2

Bainhira o foo ezmola ba ema ruma, la bele konta ba-mai hanesan ema laran makerek nebee buka oin. Sira sempre konta sira nia diak iha uma kreda laran ho mos iha estrada ibun para ema bele gaba sira. Hau dehan loloos ba imi, sira simu hotu ona sira nia kolen.

Mateus 6:5

“Bainhira imi halo orasaun, la bele halo orasaun hanesan ema laran makerek nebee buka oin. Sira gosta hamriik halo orasaun iha uma kreda laran no mos iha estrada boot atu ema haree. Hau dehan loloos ba imi, sira simu hotu ona sira nia kolen.

Lucas 10:29

Maibee mestri relijiaun nee hakarak hatudu aan hanesan ema nebee moris loos. Entaun nia husu ba Jesus, “Maibee ema seluk nebee hau tenki hadomi nee see loos?”

Lucas 11:39

Nai Jesus hatete ba nia, “Imi ema Farizeu sira, imi badinas hamoos kopu ho bikan nia liur. Maibee imi nia laran nakonu ho buat aat i kaan ema nia sasaan.

Lucas 18:11

Ema Farizeu nee hamriik hodi halo orasaun nunee, ‘Maromak, hau agradese ba Ita Boot, tanba hau laos hanesan ema sira seluk. Hau laos naok-teen, laos ema aat, la halo sala ho ema nia kaben, no la hanesan kobrador impostu ida nebaa.

Lucas 18:14

Hotu tiha, ema nain rua nee fila ba uma.” Jesus hatutan tan, “Hau hatete ba imi, ema kobrador impostu nee fila ba uma nudar ema moris loos, maibee ema Farizeu lae. Tanba ema nebee foti aan, Maromak sei hatuun, i ema nebee haraik aan, Maromak sei foti aas.”

Lucas 18:21

Ema nee hataan, “Ukun fuan sira nee, hau halo tuir hotu, komesa hau sei kiik.”

Lucas 18:9

Jesus halo tan komparasaun ida ba ema nebee foti aan dehan sira mak moris loos liu, i la konsidera ema seluk. Nia konta hanesan nee:

Lucas 20:20

Nunee mestri relijiaun ho nai lulik nia xefi sira haree tutuir Jesus. Sira haruka sira nia ema balu baa hafuhu Jesus hodi husu pergunta ba Nia. Ema sira nee finji husu ho laran, afinal buka atu halo monu Nia. Se Nia hataan sala, sira bele kesar Nia ba governador, para haruka kaer Jesus.

Lucas 20:47

Maibee sira mos gosta han-matak feto faluk sira hodi hadau sira nia uma, i sira finji harohan nar-naruk para taka falta sira nia hahalok aat. Nai Maromak sei kastigu sira todan liu fali ema seluk.”

João 21:17

I Jesus husu tan ba dala tolu, “Simão, João nia oan. Oinsaa? O hadomi Hau, ka?” Maibee Pedro laran susar, tanba Jesus husu dala tolu ona dehan, “O hadomi Hau, ka?” Nia hataan, “Ita Boot hatene buat hotu-hotu. Entaun Ita Boot hatene ona katak hau Ita Boot nia belun.” Depois Jesus hameno ba nia, “Se nunee, foo hahaan didiak ba Hau nia bibi malae oan sira.

Apostolu sira nia Istoria 1:18

(Bainhira Judas faan tiha Jesus, osan ida nebee nia simu nee, hodi baa hola rai pedasuk ida. Iha fatin nee nia monu riba ba rai, too nia kabun nakfera, i nia tee-oan fakar sai ba liur.

Apostolu sira nia Istoria 1:24

Tuir mai, sira halo orasaun, nunee, “Nai Maromak, Ita Boot hatene ema hotu-hotu nia laran. Judas mate tiha ona husik hela nia knaar. Nee duni, Nai Maromak hatudu mai ami hosi ema nain rua nee, see mak Nai hili hodi troka Judas, para sai Nai Jesus nia apostolu.”

Apostolu sira nia Istoria 15:8

Nai Maromak hatene ita ida-idak nia laran. I Nia mak foo Nia Espiritu Santu ba sira, hanesan uluk Nia foo ona ba ita. Ho nunee, ita hatene katak Nai Maromak mos simu sira.

Roma 3:20

La iha ema ida mak Maromak dehan, nia moris loos, tanba nia halo tuir Maromak nia lei. Maibee hosi lei nee ita bele hatene momoos katak ita ema sala nain.

Roma 8:27

Maromak hatene ita nia fuan-laran, Nia mos hatene Nia Espiritu nia hanoin. Bainhira Espiritu harohan ba Maromak nia povu santu sira, buat nebee Nia husu sempre tuir Maromak nia hakarak.

1 Korintu 4:5

Nee duni la bele julga ema seluk, tanba tempu atu tesi lia seidauk too. Hein too Nai Jesus fila fali mai hosi lalehan. Nia sei tesi ema hotu-hotu nia lia. Saida deit mak ema halo iha nakukun laran, Nia sei foo sai iha ema hotu nia oin. Too ema nia hanoin nebee segredu mos, Nia sei hatudu sai. Depois Maromak mak sei gaba ema ida-idak tuir sira nia serbisu nebee sira halo ba Nia.

1 Pedro 3:4

Maibee buat nebee mak halo imi feto sira sai furak mak imi nia laran. Feto nebee laran maus ho kalma, sira nee mak furak ba nafatin, i Maromak mos foo folin boot ba sira nia hahalok nee.

1 Pedro 5:5

Nunee mos imi foin-sae sira, imi tenki hakruuk ba ema nebee idade liu. Imi hotu la bele foti aan, maibee tenki haraik aan ba malu, tanba iha Livru Sagradu hakerek nunee: “Nai Maromak kontra ema nebee foti aan, maibee Nia hatudu Nia laran diak ba ema nebee haraik aan.”

Apokalipse 2:23

Sira nebee tuir Jezabel hanesan fali oan ida tuir nia inan, Hau sei oho hotu sira. Nunee sarani sira iha fatin-fatin deit sei hatene katak, Hau konhese momoos ema nia hanoin ho laran i Hau foo ba ema ida-idak tuir nia hahalok.